FunTime წარმოგიდგენთ დიეტოლოგების მიერ შერჩეულ სტრატეგიებს, რომლებიც დაგეხმარებათ, გათავისუფლდეთ შაქარზე დამოკიდებულებისაგან.
გააკეთეთ გონივრული არჩევანი
თუ გსურთ, თავი გაინებივროთ, ჯობს, სეზონური ტკბილეული მიირთვათ, რომელსაც წლის სხვა დროს ვერ შეჭამთ, მაგალითად, ნაყინი ზაფხულში ან გოგრის პეროგი შემოდგომაზე. მაგრამ ზომას ნუ გადააჭარბებთ. აკონტროლეთ ულუფის რაოდენობა და შეადგინეთ კვების გეგმა.
იფიქრეთ პოზიტიურად
განაწყვეთ თქვენი თავი წარმატებისთვის და დაიჯერეთ, რომ ამას შეძლებთ. სიტყვებს დიდი ძალა აქვს. თუ იფიქრებთ, ტკბილის ჭამის სურვილის უკუგდება ძნელია, მაშინ ასეც იქნება. შეცვალეთ ნეგატიური განწყობა, თუ გსურთ, თქვენს ჯანმრთელობაზე ზრუნვა.
დაივიწყეთ შიმშილი
არ გინდათ, ტკბილეულის პირველივე ქილას შეექცეთ? ამ შემთხვევაში დიეტოლოგები ბალანსირებულ კვებას გვირჩევენ. კარგი იქნება, თუ ყოველ 3-4 საათში ერთხელ შეჭამთ. სპეციალისტები რეკომენდაციას უწევენ ცილებით მდიდარი საკვების დღეში 3-ჯერ მიღებას და 2-ჯერაც წახემსებას, შიმშილის გრძნობამ რომ არ შეგაწუხოთ.
მადა შეიძლება შიმშილით არ იყოს განპირობებული
სანამ შოკოლადის ქილის დაცლას შეუდგებით, იფიქრეთ იმაზე, რა გჭირდებათ სინამდვილეში. ადამიანები ხშირად ურევენ ერთმანეთში შიმშილსა და მადას. ენერგიის ნაკლებობა, რომელიც თქვენთვის ნიშანია, დროა წაიხემსოთ, შეიძლება, წყლის ნაკლებობის მანიშნებელი იყოს. ასე რომ, შეავსეთ ორგანიზმში წყლის მარაგი, დალიეთ წყალი და არა წვენი და გაზიანი სასმელი. თუ თქვენ მაინც ვერ ეწინააღმდეგებით ტკბილის ჭამის სურვილს, შეგიძლიათ, შავი შოკოლადის პატარა ნატეხი მიირთვათ, ანდაც იოგურტი გრანოლით.
არ ჩამოუშვათ ხელები
ძვრებოდით კანიდან, მაგრამ სადღესასწაულო ტკბილეულზე ვერ თქვით უარი? ნუ მიეცემით თვითგვემას. აპატიეთ საკუთარ თავს და სწორი გზაზე სიარული განაგრძეთ. საკუთარი თავის პატიება და გარშემომყოფების თბილი დამოკიდებულება თვითშეფასებას აგიმაღლებთ. ეს თქვენს ორგანიზმში „ბედნიერების ჰორმონის“ - ენდორფინების რიცხვს გაზრდის და თქვენ ისეთივე ბედნიერი იქნებით, როგორიც ტკბილის მიღებისას.