ბარბადოსი
ტურისტების რაოდენობით ეს კუნძული უფრო და უფრო პოპულარული ხდება. ბარბადოსის სახელმწიფო ადრე ბრიტანეთის კოლონიაში შედიოდა, ბრიტანული კულტურისადმი სათანადო პატივისცემის გამო მას „პატარა ინგლისსაც’’ უწოდებენ. ბარბადოსის სავიზიტო ბარათი და ტრადიციული სასმელი რომია! მთელი კუნძული გადატვირთულია ბარებით, მაღაზიებით და მოვაჭრეებით.
მალდივის კუნძულები
აქაური ადგილობრივი ბუნების სილამაზე აღაგფრთოვანებთ. გამოირჩევა მრავალფეროვანი ფაუნით, თუმცა ადამიანისთვის საშიშ ცხოველებს მალდივის კუნძულებზე ნამდვილად ვერ ნახავთ. ვისაც დაგეგმილი გაქვთ ამ ულამაზესი ადგილის მონახულე, იჩქარეთ - არ არის გამორიცხული, ზღვის დონის მატებამ ეს სილამაზე ოკეანის ფსკერზე ჩაიტანოს.
სეიშელის კუნძულები ინდოეთის ოკეანის დასავლეთ ნაწილში მდებარეობს - გამორჩეულად საყვარელი ადგილი ახალდაქორწინებულთათვის მთელი მსოფლიოდან. თუმცა ბოლო დროის შეყვარებული წყვილები არა მხოლოდ ქორწინების შემდეგ სტუმრობენ ამ ულამაზეს მხარეს, არამედ სსწორედ სეიშელის კუნძულებზე ქორწინდებიან. სეიშელის კუნძლები ასევე სამოთხეა მეთევზეთათვის. 
ტაჰიტი - საფრანგეთის პოლინეზიაში მდებარე ყველაზე დიდი კუნძული ცნობილია თავისი მარგალიტებით. გადმოჰყურებს ოკეანეს, როგორც ამაყი დედოფალი. ტაჰიტის კუნძულები არ გამოირჩევა ლამაზი სანაპიროებით, თუმცა სამოთხეა სერფინგის მოყვარულთათვის. ხოლო მათ, ვინც გამბედავია, შეუძლიათ, სცადონ ექსტრემალური ყვინთვა ზვიგენებთან ერთად.
ბორა-ბორა მცირე ზომის კუნძულია, რომლის გარშემო გამაოგნებელი ლაგუნა და ბარიერული რიფია განლაგებული. საოცრად სუფთა, ფირუზისფერი წყალი, თეთრი ქვიშის სანაპიროები, რომანტიკული საღამოები და მშვიდი გარემო... დიახ, ეს ბორა ბორაა! ერთ-ერთი ყველაზე ლამაზი კუნძული წყნარი ოკენის აუზში!
კუნძული მაუი - სიდიდით მეორეა ჰავაის კუნძულებზე. მაღალი მთები, ღრმა მწვანე კანიონებით, სწრაფი ჩანჩქერები, საოცარი პლიაჟები - ეს წარმოუდგენელი სილამაზეა.
კუნძული ფიჯი წყნარი ოკეანის სამხრეთ ნაწილში მდებარეობს. აქაც ხშირად იმართება ლამაზი საქორწილო ცერემონიალები. გასაოცარ ბუნებას, გლამურულ რესტორნებსა და კომფორტულ სასტუმროებს აღტაცებაში მოჰყავს დამსვენებლები.
