ეს ფერადი ფესტივალი თებერვლის ბოლოს ან მარტის პირველ კვირაში - სავსე მთვარის დროს იმართება. ფესტივალის მონაწილეები მეგობრებსა თუ უცხო ადამიანებს ფერად ფხვნილს აყრიან და ამით გაზაფხულის მოსვლას აღნიშნავენ.
დღესასწაული რამდენიმე დღე გრძელდება და მასში ყველა მონაწილეობს - განურჩევლად სქესისა თუ ასაკისა. მათ სჯერათ, რომ რაც უფრო მეტი საღებავია ადამიანზე, მით უფრო კარგი და კეთილი იდეებია მისკენ მიმართული.
ქვრივი ქალები ლოცულობენ დღესასწაულის დროს.
მოცეკვავე ქვრივი ქალები. ინდური ტრადიციის თანახმად, ქვრივმა ქალმა ყველანაირ მიწიერ სიამოვნებაზე უარი უნდა თქვას. მათ ამ დღესასწაულის აღნიშვნაც ეკრძალებათ, მაგრამ ოჯახებისგან მიტოვებული ქვრივი ქალები, რომლებიც თავშესაფარში ცხოვრობენ, ამ ტრადიციას ეწინააღმდეგებიან და ერთმანეთს ფერად საღებავებს ასხამენ.
