აქ ყველაზე ზარმაციც კი იმუშავებდა.
Selgas Cano
ეს ფანტასტიკური ოფისი ნებისმიერს მოხიბლავს, განსაკუთრებით ბუნებისა და უბრალოების მოყვარულებს. თვალი ადევნო ფანჯრიდან, თუ როგორ იცვლება წელიწადის დრო ტყეში და თან მუშაობდე - ეს ფასდაუდებელია!
Google
ყველასთვის კარგად ნაცნობი კომპანიის ოფისების შესახებ უკვე დიდი ხანია, ლეგენდები დადის. ამგვარ შენობაში შეგიძლია, გააკეთო ყველაფერი, რაც გულს გაუხარდება.
Inventionland Design Factory
სახლი ხეზე ან გემი, რომელშიც თავს ნამდვილ მეკობრედ იგრძნობ - ამ ოფისის დიზაინერმა ყველა თანამშრომელს ბავშვობის ოცნება თუ ფანტაზია შეუსრულა.
Airbnb
როგორც ჩანს, ოჯახური გარემო ყველაზე მეტად ამ ოფისში იგრძნობა. აღსანიშნავია ისიც, რომ აქ შეგიძლიათ, თქვენი საყვარელი შინაური ცხოველი მოიყვანოთ.
Facebook
ასეთ ოფისში ყველაზე სასოწარკვეთილი ზარმაციც კი გამოიჩენდა კრეატიულობას. როგორც ჩანს, მსოფლიოში ყველაზე ცნობილი სოციალური ქსელის თანამშრომლები მორიგ იდეაფიქსებს კოლეგებთან საუბარში ან აუჩქარებელი სეირნობის დროს შეიმუშავებენ.
Nokia
ამ მინიმალისტურ ოფისს ბევრი ფანჯარა აქვს. სუფთა ჰაერი და სინათლე ეხმარება თანამშრომლებს პროდუქტიულ მუშაობაში.
Urban Outfitters
არაჩვეულებრივი დიზაინი, სადაც შერეულია რამდენიმე სტილი. ახლა უკვე გასაგებია, თუ როგორ ახერხებენ ეს ქალბატონები ასეთი მშვენიერი ტანსაცმლის შეკერვას.
Lego
მსოფლიოში ცნობილი კონსტრუქტორების მწარმოებელმა კომპანიამ თავისი ოფისი ლეგო-ადამიანით, ლეგო-ცხოველით და სხვა ლეგო-ნივთებით დაამშვენა. აქაურ თანამშრომლებს გასართობი არასდროს გამოელევათ.
Zynga
ონლაინ თამაშების შემქმნელი კომპანია. ასეთ ოფისში შესაძლოა, დაგავიწყდეთ კიდეც, რომ სამსახურში ხართ.
White Mountain
„თეთრი მთა“ - ასე ითარგმნება ინგლისურიდან ამ კომპანიის სახელწოდება. როგორც ჩანს დიზაინერებმა გაითვალისწინეს ეს სახელწოდება თავიანთ პროექტში და ეს ულამაზესი ოფისი გამოიყურება ისე, თითქოს მთიან გამოქვაბულშია აშენებული.
