მედიტაცია ან უბრალოდ, „ჩასუნთქვა-ამოსუნთვის“ მსუბუქი ვარჯიში დაგეხმარებათ მშვიდად დაიწყოთ დღე. ნუ აიტაცებთ ხელში დილიდან ტელეფონს ფოსტისა და მესიჯების შესამოწმებლად. დაუთმეთ საკუთარ თავს რამდენიმე წუთი, იმისთვის რომ ხალისიანი დღე გქონდეთ.
დაიწყეთ დილა მადლობის გადახდით იმისთვის, რაც გაგაჩნიათ. ეს ჩვევა მნიშვნელოვან უნარს შეგძენთ - იყოთ საკუთარი თავის მადლიერი, თუნდაც პატარა წარმატებისთვის მომდევნო 24 საათის განმავლობაში. ეს თვისება უფრო თავდაჯერებულს გაგხდით.
ჩამოყალიბდით, თუ რითი უნდა დაკავდეთ დღეს. რაც უფრო ადრე დაგეგმავთ თქვენს დღეს, მით უფრო ეფექტურად და პროდუქტიულად დახარჯავთ დროს მათ შესრულებაზე.
დალიეთ ჭიქა წყალი. თქვენი ორგანიზმი დილით გამომშრალია, ამიტომ მნიშვნელოვანია პირველ რიგში მიიღოთ ცოტაოდენი წყალი. ის დაგეხმარებათ ორგანიზმის გაწმენდაში. ასევე, შეგიმცირებთ შიმშილისა და თავის ტკივილის შეგრძნებას დღის მანძილზე.
შეასრულეთ გაჭიმვები. იშვიათია ადამიანი, რომელიც გაღვიძებისას კუნთებში და ძვლებში სიმსუმუქეს გრძნობს. დილის გაჭიმვები უფრო მოქნილს გაგხდით, გაგიუმჯობესებთ სისხლის მიმოქცევას და შეგიმცირებთ დაგროვილ სტრესს.
მოუსმინეთ მუსიკას. დაიწყეთ თქვენი დილა მუსიკის მოსმენით და მიიღეთ სიამოვნების მაქსიმუმი. მუსიკა აგიმაღლებთ განწყობას და დაგმუხტავთ დადებითი ენერგიით, რომელიც დღის მანძილზე გაგყვებათ.
მიირთვით ჯანსაღი საუზმე. მშიერ კუჭზე მხოლოდ ფინჯანი ყავის მირთმევით თქვენს ორგანიზმს დიდ ზიანს აყენებთ. გამოკვებეთ ორგანიზმი იმისთვის, რომ დღის მანძილზე ეფექტური მუშაობა და ჯანსაღი აზროვნება შეძლოთ. იყავით კონცენტრირებული სამუშაოზე და არა მშიერ კუჭზე.
გაიღიმეთ. დაიწყეთ დილა ღიმილით და ის დადებითად იმოქმედებს თქვენს საერთო მდგომარეობასა და ხასიათზე, მაშინაც კი, როდესაც სულაც არ გიხარიათ.
მიალაგეთ თქვენი ნივთები საღამოობით. ადამიანებს ცხოვრების გადატვირთული რეჟიმის გამო, ხშირად უწევთ ტანსაცმლის მიგდება, ნიჟარაში გასარეცხი ჭურჭლის დატოვება და ავიწყდებათ ნაგვის გატანა. მოაგვარეთ ეს ყოველდღიური წვრილმანი საქმეები საღამოობით და წარმოიდგინეთ, რა სასიამოვნოა, როდესაც სახლში ბრუნდებით, ირგვლივ კი სისუფთავეა. აქ კი ნამდვილად შეგიძლიათ დაისვენოთ და მოეშვათ.
პირველ რიგში, შეასრულეთ ყველაზე რთული სამუშაო. შეიძლება მოგეჩვენოთ, რომ უმჯობესია გააკეთოთ უამრავი წვრილმანი საქმე დილიდან, მაგრამ თუკი დილიდან შეუდგებით უფრო რთული დავალების შესრულებას, დანარჩენი საქმეებიც სწრაფად და მარტივად გადაწყდება.