გლდანში მცხოვრები დევნილი, სოციალურად დაუცველი ბენიძეების მრავალშვილიანი ოჯახის 2 წევრი პირველად სკოლაში „ვისოლ ჯგუფის“ პრეზიდენტმა სოსო ფხაკაძემ მიაცილა. სასკოლო ნივთებით მათ მომარაგებაზე კი „სმარტმა“ იზრუნა.
სხვა მოსწავლეებისთვის „სმარტმა“ საკანცელარიო ნივთებზე -35%-მდე ფასდაკლება დაგეგმა და სასკოლო ატრიბუტიკის მომარაგებსთვის ფართო არჩევანი და ხელსაყრელი პირობები შესთავაზა.
„გვინდა „სმარტის“ სახელით თითოეულ მოსწავლეს და მშობელს მივულოცოთ სწავლის დაწყება. დღეს განსაკუთრებულად ბედნიერი ვარ, რომ ლილე და ნიკოლოზ ბენიძეები სკოლაში პირველად მე მივაცილე და მინდა, მათ წარმატებული მომავალი ვუსურვო. განათლება ხომ ბედნიერი მომავლის განმსაზღვრელია. ბენიძეების ოჯახი გლდანის „სმარტის“ მახლობლად ცხოვრობს და გვსურდა, დღევანდელი დღე განსაკუთრებულად გაგველამაზებინა მათთვის“, - აღნიშნა „ვისოლ ჯგუფის“ პრეზიდენტმა სოსო ფხაკაძემ.
სასწავლო კვირის უკეთ დაგეგმვისთვის 45 საჯარო სკოლის მოსწავლეებს „სმარტისგან“ საჩუქრად გაკვეთილების ცხრილი გადაეცათ და „სმარტის“ კორპორაციულ გმირთან - ციყვთან სამახსოვრო ფოტოების გადაღებით კიდევ უფრო გაიხალისეს დღე.
„სმარტი“ გამორჩეულია ბაზარზე უმაღლესი ხარისხის პროდუქტის ფართო არჩევანითა და მომსახურების ევროპული სტანდარტებით. „ვისოლ ჯგუფმა“ „სმარტის“ ქსელის განვითარება 2010 წელს დაიწყო. „სმარტის“ თექვსმეტი სუპერმარკეტი დღესდღეობით წარმატებით ფუნქციონირებს მთელი საქართველოს მასშტაბით.
