„ვისოლის“ და „ჯი-ენერჯის“ ერთობლივი აქციის დროს მიღებულ 20 სასაჩუქრე ვაუჩერს მომხმარებელი გაცვლის ძრავის ოთხ ლიტრ მინერალურ ზეთში, 25 ვაუჩერს - ნახევრად სინთეტიკურ ზეთში, 30 ვაუჩერს კი - სინთეტიკურ ზეთში. ვაუჩერების გადაცვლის შემთხვევაში მომხმარებელი „ჯი-ენერჯის” მომსახურების ცენტრებში ზეთს შეცვლის უფასოდ.
ამას გარდა, თითოეული ვაუჩერი უდრის 1 % ფასდაკლებას, რომლის გამოყენებაც შესაძლებელია იმ შემთხვევაში, თუ მომხმარებელი ვერ მოახერხებს 20, 25 ან 30 ცალი ვაუჩერის შეგროვებას.
ვაუჩერების განაღდება შესაძლებელია არამხოლოდ „ჯი-ენერჯის“ მომსახურების ცენტრებში, არამედ ავტომომსახურების ქსელ „ვიანორის“ ნებისმიერ ფილიალში მთელი საქართველოს მასშტაბით 2016 წლის 20 დეკემბრამდე.
საერთაშორისო ავტომომსახურების ქსელი „ჯი-ენერჯი“ საქართველოს ბაზარზე 2015 წელს შემოვიდა. „ჯი-ენერჯი“ მსოფლიოს მასშტაბით დღესდღეობით 200-ზე მეტ მომსახურების ცენტრს ფლობს. საქართველოს ბაზარზე ის ამ დროისათვის ორი ავტომომსახურების ცენტრითაა წარმოდგენილი, რომლებიც დიღომში, ბელიაშვილის ქ. N125-სა და დიდუბეში, ხოშარაულის ქ. N30-ში მდებარეობს. კომპანია ქსელის დინამიურ განვითარებას გეგმავს და წლის ბოლომდე ოთხ ობიექტს გახსნის თბილისა და რეგიონებში. „ჯი-ენერჯის“ მაღალტექნოლოგიური ქარხანა, რომელიც იტალიაში, საპორტო ქალაქ ბარში მდებარეობს, წელიწადში 30 000 ტონა 100-ზე მეტი სახეობის პრემიუმ ხარისხის ზეთს და 6000 ტონა საცხებ-საპოხ მასალას აწარმოებს და მომხმარებელს მსოფლიო მასშტაბით საშუალებას აძლევს, გაუფრთხილდნენ ავტომობილს, შეუნარჩუნონ ძრავს მეტი რესურსი და ცვეთა დაიყვანონ მინიმუმამდე.
„ვისოლს“ საკუთრებაში არსებული ავტოგასამართი სადგურების ყველაზე ფართო ქსელი აქვს საქართველოში და კომპანია წამახალისებელი აქციებითა და დამატებითი სერვისების შეთავაზებით მუდმივად ცდილობს, მადლობა გადაუხადოს მომხმარებელს ერთგულებისთვის და შეინარჩუნოს მათი ლოიალობა.