სახელი: ლაზარე
გვარი: ადამია
ასაკი: 26
ცხოვრებისეული სტატუსი: მუსიკოსი
ქალის მთავარი როლი ცხოვრებაში: იყოს შემდგარი და წარმატებული, კარგი დედა და მეუღლე. ქალების გარეშე ცხოვრება ნამდვილად მოსაწყენი იქნებოდა...
ყველაზე მნიშვნელოვანი ქალი ჩემს ცხოვრებაში... დედა, რომელიც ყველაზე ძალიან მიყვარს მთელ სამყაროში.
სიყვარული არის... მდგომარეობა, რომელიც გვაბედნიერებს.
როცა შეყვარებული ვარ... ყველა ხვდება გარშემო ამას. საკუთარი სიხალისე მე თვითონაც მაწუხებს.
ჩემ გვერდით ვერასდროს წარმოვიდგენ ქალს, რომელიც... უზრდელია.
ქალი ყველაზე მომხიბვლელია მაშინ, როცა... შეყვარებულია. ამ დროს განსაკუთრებულად უბრწყინავს თვალები.
ქალს არ უხდება... არ მომწონს, როცა ქალები მამაკაცების მიმართ ზედმეტ ყურადღებას იჩენენ. ყურადღება ყოველთვის სასიამოვნოა, მაგრამ უნდა არსებობდეს ზღვარი.
როგორი ქმარი ვიქნები... მზრუნველი, მეოჯახე და მომთხოვნი. უნდა ვაღიარო, რომ ჩემი გაძლება საკმაოდ რთულია. ალბათ, ჩემს ცოლს ძეგლს დავუდგამ. თუ ცუდ ხასიათზე ვარ, შეიძლება პატარა წვრილმანზეც მომეშალოს ნერვები და მერე სხვასაც იგივე განწყობა შევუქმნა.
მინდა, ყველა ქალი იყოს... მეტად ღიმილიანი. მათ ღიმილი ძალიან უხდებათ.
როცა პაემანზე მივდივარ... არასოდეს ვფიქრობ წინასწარ, რა და როგორ იქნება.
როცა ვშორდები... თუ დაშორება აუცილებელია, ძალიან არ ვდარდობ ამ ყველაფერზე. თუმცა ფაქტი სამწუხაროა...
საყვარელ ქალზე შეიძლება ვიეჭვიანო მაშინ, როცა... ტყუილად არასდროს ვეჭვიანობ ხოლმე და თუ ეს მომენტი დადგა, აუცილებლად გადაიხედება ურთიერთობა.
ქალი და კაცი თანასწორუფლებიანია?... რთული თემაა. ძალიან ბევრი მხარე აქვს ამ საკითხს. მე ვფიქრობ, რომ ყველა ადამიანი თანასწორუფლებიანია.