მაია ლაფაჩიშვილი: ,,როცა საკუთარ თავს არწმუნებ, რომ არ გიყვარს...“

საქორწინო ანკეტა

2 აპრილი 20:00
2278

„განშორება ძლიერ ტკივილს მაყენებს, თუმცა ის ერთი ნაბიჯით მაახლოებს მასთან ვინც ნამდვილად ჩემი ბედია“, - „საქორწინო ანკეტის“ კითხვარს ექიმი და მოდელი მაია ლაფაჩიშვილი პასუხობს.

სახელი: მაია 


გვარი: ლაფაჩიშვილი


ასაკი: 31 წლის


პროფესია: ექიმი, მოდელი


ცოტა რამ ჩემ შესახებ: ვსწავლობ სამედიცინო რადიოლოგიას, ვმუშაობ საყოველთაო ჯანმრთელობის დაცვის პროგრამების მონიტორინგის სამმართველოში, ვმორიგეობ ქირურგიის ეროვნეულ ცენტრში, პარალელურად აქტიურად ვარ ჩართული სხვადასხვა სარეკლამო, ფოტო და ვიდეოგადაღებებში.


კომპლიმენტი, რომელიც ყველაზე მეტად მსიამოვნებს... ყველანაირი გულწრფელი კომპლიმენტი, თუმცა მეტად მსიამოვნებს იმ ადამიანისგან, ვისგანაც ყველაზე ნაკლებად ველი...


ფრაზა, რომელიც ყველაზე მეტად მაღიზიანებს... ბანალური ფრაზები, რომლებსაც გასაცნობად იყენებენ - რას საქმიანობ? სად ცხოვრობ? რატომ არ თხოვდები?


სიყვარული არის... ყველაზე დიდი ნიჭი, რაც კი ღმერთმა ადამიანს უბოძა; როცა მისი ბედნიერება შენს ბედნიერებაზე მნიშვნელოვანია... სიყვარული თავგანწირვაა და არაფერი არსებობს ამაზე უფრო მტკივნეული ან სასიამოვო დედამიწის ზურგზე.


როცა შეყვარებული ვარ... ვცდილობ, არ შევიმჩნიო. როცა საკუთარ თავს ებრძვი და არწმუნებ, რომ არ გიყვარს, სწორედ მაშინ ხარ შეყვარებული.


ჩემ გვერდით ვერასოდეს წარმოვიდგენ კაცს, რომელიც... მექალთანე, ეჭვიანი, ძუნწი და მატყუარაა.


მამაკაცში ყველაზე მეტად მხიბლავს... გარეგნობა, ინტელექტი და იუმორის გრძნობა.


მეორე ნახევარი ნიშნავს... ცხოვრების აზრს, ვისაც დარჩენილ სიცოცხლეს ვანდობ და მთელი ცხოვრება მეყვარება.


მამაკაცის ქცევა, რომელიც ყველაზე მეტად მაღიზიანებს... ამპარტავნობა, ქედმაღლობა, ჭორაობა.


როცა ვშორდები... განშორება ძლიერ ტკივილს მაყენებს, თუმცა ის ერთი ნაბიჯით მაახლოებს მასთან, ვინც ნამდვილად ჩემი ბედია.


გადაღების ადგილია ავეჯის სახლი „პანცილიონი“.


ფოტოგრაფი: ნინო მენთეშაშვილი