გიორგი გოგოლაძე - „სწორად შერჩეული მამაკაცი“

საქორწინო ანკეტა

7 ივლისი 22:00, 2016 წელი
84

 „მიყვარხარ“ ჩემთვის ძალიან ძვირფასი სიტყვაა და ვისაც პირველად ვეტყვი, ის ჩემთვის პირველი და უკანასკნელი სიყვარული იქნება“, - „საქორწინო ანკეტის“ შეკითხვებს პასუხობს საქართველოს ჩემპიონი კლასიკურ ბოდიბილდინგში გიორგი გოგოლაძე.


სახელი:
გიორგი


გვარი: გოგოლაძე


ასაკი: 27 წლის


ცხოვრებისეული სტატუსი: დასაოჯახებელი


ქალის მთავარი როლი ცხოვრებაში: ქალის მთავარი როლი ცხოვრებაში დედობაა და თუ საკუთარ პროფესიაშიც წარმატებულია, იდეალურია.


ყველაზე მნიშვნელოვანი ქალი ჩემს ცხოვრებაში... დედა, რადგან თითოეული ჩემი წარმატებული ნაბიჯი მას უკავშირდება, ყველაფერში გვერდში მიდგას.


დედა ხშირად მეუბნება, რომ... უკვე დროა, ოჯახი შევქმნა.


სიყვარული არის... ალბათ, ყურადღება, პატივისცემა, ნდობა, ზრუნვა, მონატრება, მეტი სიგიჟე და კერპი, რომელსაც ყველა გამარჯვებას მივუძღვნი.


ჩემი პირველი სიყვარული... შეყვარებული არასდროს მყოლია, რადგან სიყვარული ჩემთვის დიდ გრძნობასთან და პასუხისმგებლობასთან ასოცირდება. „მიყვარხარ“ ჩემთვის ძალიან ძვირფასი სიტყვაა და ვისაც პირველად ვეტყვი, ის ჩემთვის პირველი და უკანასკნელი სიყვარული იქნება.


ჩემ გვერდით ვერასდროს წარმოვიდგენ ქალს... რომელიც იქნება ამპარტავანი, უყურადღებო, უღირსი, მოღალატე. ქალის პიროვნულ თვისებებს სილამაზეზე მეტი ძალა აქვს.


ქალი ყველაზე მომხიბვლელია მაშინ, როცა... მას გვერდს უმშვენებს სწორად შერჩეული მამაკაცი და როცა ბედნიერებისგან იღიმის.


მეორე ნახევარი ნიშნავს... ერთ მთელს.


როგორი ქმარი ვიქნები... იდეალური.


დაოჯახებისთვის საუკეთესო ასაკია... როცა საყვარელ ადამიანთან თავს კომფორტულად გრძნობ, ასაკს მნიშვნელობა არ აქვს.


მინდა, ყველა ქალი იყოს... ბედნიერი...


ჩემი ცხოვრებისეული დევიზია... VENI VEDI VICI


საყვარელ ქალზე შეიძლება ვიეჭვიანო მაშინ, როცა... ჩემ მიმართ უყურადღებოა, ცდილობს, რაღაც მომატყუოს ან დამიმალოს. ეს ყველაფერი მამაკაცისთვის იოლად შესამჩნევი და ამასთანავე, გამაღიზიანებელიცაა. ასეთ დროს ქალი ყოველთვის უნიჭო მსახიობია.


ქალსა და კაცს თანასწორი  უფლებები აქვთ?... კი, მაგრამ მგონია, რომ მცირეოდენი უპირატესობით მაინც მამაკაცი სარგებლობს.


გადაღების ადგილია ავეჯის სახლი „პანცილიონი“.