ბაბი კირკიტაძე: „როცა მიყვარს, მორცხვი და დაბნეული ვარ!“

საქორწინო ანკეტა

1 იანვარი 20:00
101

 „ერთხელ ვცხოვრობ და მსურს, დედამიწაზე  ჩემი არსებობა გამართლებული იყოს“, - მომღერალი ბაბი კირკიტაძე „საქორწინო ანკეტის“ კითხვარს პასუხობს.

სახელი: ბაბი


გვარი: კირკიტაძე


ასაკი: 21 წლის


პროფესია: მომავალი იურისტი


მამაკაცის მთავარი როლი ცხოვრებაში: ღირსეულად ატაროს შვილის, მეუღლის და მშობლის სტატუსი.


ყველაზე მნიშვნელოვანი მამაკაცი ჩემს ცხოვრებაში... ბაბუ, რომელთან ურთიერთობაც ძალიან მაკლია.


დედა ხშირად მეუბნება... თავში არაფერი აგივარდეს, არასოდეს!


სიყვარული არის... ყველგან და ყველაფერი.


ჩემი პირველი სიყვარული... იყო სკოლის ასაკში.



როცა შეყვარებული ვარ...
მორცხვი და დაბნეული ვარ.


როცა ვშორდები... ასეთი რამ ჩემს ცხოვრებაში არ ყოფილა, მაგრამ ვფიქრობ, ნებისმიერი ადამიანის დაკარგვა, რომელსაც ჩვენს ცხოვრებაში პატარა ადგილი მაინც უჭირავს, ძალიან გულსატკენი იქნება. ცხადია, არ ვგულისხმობ მხოლოდ ქალისა და მამაკაცის ურთიერთობას.


გვერდით ვერასდროს წარმოვიდგენ ისეთ კაცს... რომელსაც არ ეყვარება ჩემი ცხოვრება.


კაცი ყველაზე მომხიბვლელია მაშინ, როცა... მის გვერდით მყოფი ქალი, ბედნიერია.


ყველაზე მეტ კომპლიმენტს მაშინ მეუბნებიან, როცა... ჩემს საქმეს ვაკეთებ ხარისხიანად.


მეორე ნახევარი ნიშნავს...  ვფიქრობ, ამ ფრაზას განმარტება არ სჭირდება.


როგორი მეუღლე ვიქნები... სულ შეყვარებული.


მინდა, ყველა მამაკაცი იყოს... თავდაჯერებული და ლაღი.


ჩემი ცხოვრებისეული დევიზია... ერთხელ ვცხოვრობ და მსურს, დედამიწაზე  ჩემი არსებობა გამართლებული იყოს.


საყვარელ მამაკაცზე შეიძლება ვიეჭვიანო მაშინ, როცა... მხოლოდ იმ შემთხვევაში, როცა ამის საბაბს მომცემს


ქალი და კაცი თანასწორუფლებიანია?... რთული თემაა და ორი წინადადებით ამაზე ვერ ვისაუბრებ, მაგრამ მიმაჩნია, რომ ყველა ადამიანი თანასწორია.


გადაღების ადგილია ავეჯის სახლი „პანცილიონი“.