6 გავრცელებული შეცდომა ინტიმური ზონების გაპარსვის დროს
16:00 კვი. 11 ივლისი, 2021 წელი
სანამ შეცდომებზე დავიწყებთ საუბარს, მოდით, ერთ დეტალზე შევთანხმდეთ: სხეულზე თმის სტანდარტული, სწორი ან არასწორი სიგრძე არ არსებობს. ეს თქვენი გემოვნების საქმეა.
თუკი თმას თქვენით, სახლის პირობებში იშორებთ, გამორიცხული არ არის, რომ ბევრი შეცდომა დაუშვათ. მაგალითად:
შეცდომა №1
არასდროს გამოიყენოთ დაბლაგვებული ან დაძველებული საპარსი დანადგარი ინტიმური ადგილების გასაპარსად, რადგან ეს გამოიწვევს კანის გაღიზიანებას და არც ტრავმებს გამორიცხავს.
ასე რომ, თუკი სამართებელზე ჟანგი შენიშნეთ - თამამად გადააგდეთ ის ნაგავში.
შეცდომა №2
გასაგებია, რომ მუდმივად გვეჩქარება, მაგრამ ეს არ არის იმის მიზეზი, რომ გაპარსვის დროს ეს მნიშვნელოვანი ეტაპი არ გავითვალისწინოთ: გაპარსვამდე 10 წუთით ადრე აუცილებელია ბიკინის ზონის დაორთქვლა თბილი წყლით. შედეგად რბილდება კანი, იხსნება ფორები და გაპარსვის პროცესი მარტივდება.
შეცდომა №3
გასაპარსი თმის სიგრძე არ უნდა აღემატებოდეს 6 მილიმეტრს. თუკი გასაპარსი თმის სიგრძე უფრო მეტია, ჯერ მაკრატლით ისარგებლეთ, ხოლო შემდეგ საპარსი ხელსაწყოთი.
შეცდომა №4
პარსვას სიჩქარე არ უყვარს. დასველების გარეშე გაპარსვა აღიზიანებს კანს და პროცესს უფრო მტკივნეულს ხდის.
შეცდომა №5
ნუ ჩაიცვამთ სინთეტიკურ სტრინგებს ბიკინის ზონის გაპარსვისთანავე. პარსვის პროცესში კანი იღებს სტრესს, ამიტომ მიეცით მას ცოტაოდენი დასვენების საშუალება. აირჩიეთ ბამბის თეთრეული, რომელიც ზედმეტად არ მოგედებათ და კანს არ გაგიღიზიანებთ.
შეცდომა №6
პარსვის შემდეგ წასასმელი ლოსიონი ყურადღებით შეარჩიეთ - კარგად გაეცანით მის შემადგენლობას, რათა კანი არ გაიღიზიანოთ. ლოსიონის ნაცვლად კი შეგიძლიათ, ისარგებლოთ ქოქოსის ზეთით ან ალოე ვერას ზეთით - ორივე შესანიშნავად არბილებს და ატენიანებს კანს.
სიახლეები ამავე კატეგორიიდან