ბანანის ნიღაბი მშრალი კანისთვის
მწიფე ბანანის მეოთხედ ნაწილს დაუმატეთ 5 გრამი ცხიმიანი კრემი, 4 წვეთი ლიმონი და 6 წვეთი ზეითუნის ზეთი. გადაურიეთ ერთმანეთში და დაიდეთ დაორთქლილ სახეზე 15-20 წუთით. შემდეგ კი ნელთბილი წყლით ჩამოიბანეთ.
თაფლის ნიღაბი ნორმალური კანისთვის
ერთმანეთში გადაურიეთ კვერცხის დაქუცმაცებული ნაჭუჭი და 12 გრამი თხევადი თაფლი. აკურატულად დაიდეთ სახეზე, დაელოდეთ მის გაშრობას და შემდეგ ნელთბილი წყლით ჩამოიბანეთ.
სტაფილოს ნიღაბი ცხიმიანი კანისთვის
წვრილად გახეხილ სტაფილოს (25 გრ) დაამატეთ კვერცხის გული, მცენარეული ზეთი (7 მლ) და 3 წვეთი ლიმონის წვენი. კარგად გადაურიეთ ერთმანეთში და დაიდეთ სახეზე 15-20 წუთით. ბოლოს ჩამოიბანეთ ნელთბილი წყლით.
გამწმენდი ნიღბები
ნუშის ნიღაბი მშრალი კანისთვის
15 გრ. რძის ფხვნილი და 7 მლ ნუშის ზეთი გახსენით ერთმანეთში. დაამატეთ 12 გრ. თაფლი და 5 წვეთი ლიმონის წვენი. ნიღაბი სახეზე მსუბუქი მასაჟის მოძრაობებით დაიდეთ.
თაფლის ნიღაბი ნორმალური კანისთვის
3 ს.კ. გამდნარ თაფლს დაუმატეთ 8 წვეთი A ვიტამინი, 3 ს.კ. რძე და სულ მცირე რაოდენობით შავი პურის გრანულები. მასა კარგად გადაურიეთ ერთმანეთში და დაიდეთ სახეზე 15-20 წუთით.
კიტრის ნიღაბი ცხიმიანი კანისთვის
საშუალო ზომის კიტრი გახეხეთ. 3 ს.კ. გახეხილი კიტრი გადაურიეთ 1 ს.კ. ვაშლის ძმართან და 4 ს.კ. შვრიის ფანტელებთან. შვრიის ნაცვლად შეგიძლიათ გამოიყენოთ თეთრი, მწვანე ან ცისფერი კოსმეტიკური თიხა.
ეს მასა წაისვით სახეზე, გაიჩერეთ 20-25 წუთი და შემდეგ თბილი წყლით ჩამოიბანეთ.
სახის კანის კვება
ჟელატინის ნიღაბი მშრალი კანისთვის
ერთი საშუალო კიტრის გულს და 2 ჩ.კ. მწვანე ჩაის ნაყენს გადაურიეთ 2 ს.კ. ჟელატინი.
მიღებული მასა გაათბეთ დაბალ ტემპერატურაზე გასქელებამდე.
დაამატეთ 2 ს.კ. ალოეს წვენი.
როგორც კი შეგრილდება, წაისვით სახეზე, გაიჩერეთ 20 წუთი და შემდეგ თბილი წყლით ჩამოიბანეთ.
კარტოფილის ნიღაბი ნორმალური კანისთვის
დააბლენდერეთ შემდეგი ინგრედიენტები: 50 გ.მოხარშული კარტოფილი, 20 მლ. ლიმონის წვენი, 10 გრ. სუფრის მარილი, 1 კვერცხის გული და 2 ს.კ. რძის ფხვნილი.
მიღებული მასა დაიდეთ სახეზე 15-20 წუთი.
პროცედურის დასრულების შემდეგ კანი ყინულის კუბიკებით გაიმშრალეთ.
საფუარის ნიღაბი ცხიმიანი კანისთვის
3 ს.კ. კომბოსტოს წვენს დაუმატეთ 5 ს/კ საფუარი, 20 წვეთი E და A ვიტამინები და 1 ს.კ. ქაფურის ზეთი. კარგად გადაურიეთ ერთმანეთში, გააჩერეთ 20 წუთი, მხოლოდ ამის შემდეგ წაისვით სახეზე.
15-20 წუთის შემდეგ სახე თბილი წყლით ჩამოიბანეთ
აღმდგენი ნიღბები
ქაცვის ნიღაბი მშრალი კანისთვის
2 ს.კ. ქაცვის ზეთს დაუმატეთ 2 ს.კ. თაფლი და 1 ს.კ. ალოეს წვენი.
მიღებული მასა წაისვით სახეზე და 20-25 წუთის შემდეგ ნელთბილი წყლით ჩამოიბანეთ.
ხორბლის ნიღაბი ცხიმიანი კანისთვის
3 ს.კ. ხორბალი მოათავსეთ მარლაზე, გადაატარეთ ზედ გასაბრტყელებელი და მიღებულ მასას დაუმატეთ 2 წვეთი ხორბლის და 5 წვეთი ზეითუნის ზეთი. გადაურიეთ კარგად და მარლა მთლიანად დაიფინეთ სახეზე. გაიჩერეთ 15-20 წუთი და შემდეგ თბილი წყლით ჩამოიბანეთ.
კვერცხის ცილის ნიღაბი ნორმალური კანისთვის
ათქვეფილ კვერცხის ცილას დაამატეთ 2 ს.კ. ნატურალური თაფლი და 1 ს.კ. პურის ფქვილი.
ფქვილი შეგიძლიათ, ოდნავ მეტი რაოდენობითაც დაამატოთ, რათა უფრო სქელი მასა გამოგივიდეთ. დაიდეთ ნიღაბი სახეზე 20 წუთით და შემდეგ ჩამოიბანეთ ნელთბილი წყლით.