ნაოჭების საწინააღმდეგო ასპირინის ნიღაბი
6 აბი ასპირინი;
1 ჩ.კ. ლიმონის წვენი;
1 ჩ.კ. თაფლი;
1 ჩ.კ. მარილი; 1 ჩ.კ. თიხა (ცისფერი).
მარილი გახსენით ლიმონის წვენში, შემდეგ გაწურეთ მარლაში და დაფხვნილი ასპირინი, თაფლი და თიხა დაამატეთ. ეს ყველაფერი კარგად აურიეთ და წინასწარ კარგად გასუფთავებულ სახეზე წაისვით.
10-15 წუთის შემდეგ ნიღაბი თბილი წყლით ჩამოიბანეთ და სახეზე თქვენი კანის ტიპისთვის რეკომენდებული კრემი შეიზილეთ.
ასპირინის ნიღაბი თაფლით და ალოეს წვენით
3 აბი ასპირინი;
1 ჩ.კ. თაფლი;
1 ჩ.კ. ალოეს წვენი.
ასპირინი დაფხვენით ან გახსენით 1 ს.კ. წყალში და თაფლი და ალოეს წვენი დაამატეთ.
ეს ყველაფერი კარგად აურიეთ და სახეზე წაისვით (თხელ ფენად).
როგორც კი ნიღაბი გაშრება, სახე წრიული მოძრაობით მსუბუქად დაიმასაჟეთ (რამდენიმე წუთის განმავლობაში), შემდეგ თბილი წყლით ჩამოიბანეთ და რომელიმე მკვებავი კრემი შეიზილეთ.
თუ თაფლზე ალერგია გაქვთ, ის იოგურტით ან მცენარეული ზეთით შეცვალეთ.
ასპირინის სქრაბი
4 აბი ასპირინი;
1 ს.კ. წყალი;
1 ჩ.კ. მცენარეული ზეთი.
ასპირინი დაფხვენით, დაასხით წყალი და ზეთი და მიღებული მასით 10 წუთის განმავლობაში სახე წრიული მოძრაობით გაიწმინდეთ.
პროცედურის დასრულების შემდეგ სახე ჯერ თბილი, შემდეგ ცივი წყლით დაიბანეთ და მკვებავი კრემი შეიზილეთ.
ასპირინის გამწმენდი ნიღაბი
4 აბი ასპირინი;
1 ს.კ. წყალი;
ნახევარი ჩ.კ. მცენარეული ზეთი ან თაფლი.
ასპირინი დაფხვენით, დაასხით წყალი და ზეთი ან თაფლი.
მიღებული მასა სახეზე წრიული მოძრაობით შეიზილეთ.
15 წუთის შემდეგ თბილი წყლით ჩამოიბანეთ, სახეზე კი რომელიმე მკვებავი კრემი წაისვით.
ნიღაბი კეფირითა და ასპირინით
2 აბი ასპირინი;
2 ს.კ. კეფირი.
დაფხვნილ ასპირინს დაამატეთ კეფირი, კარგად აურიეთ და წინასწარ კარგად გაწმენდილ სახეზე წაისვით. ნიღაბი 20-30 წუთით გაიჩერეთ, შემდეგ თბილი წყლით ჩამოიბანეთ და რომელიმე სახის კრემი შეიზილეთ.
ნიღაბი ასპირინითა და ზღვის მარილით
2 აბი ასპირინი;
1 ჩ.კ. თაფლი;
25 გრ. ზღვის მარილი.
ზემოჩამოთვლილი ინგრედიენტები ერთმანეთში კარგად აურიეთ და სახის კანზე წაისვით.
5 წუთის განმავლობაში სახე წრიული მოძრაობით მსუბუქად დაიმასაჟეთ.
ბოლოს გრილი წყლით ჩამოიბანეთ.
ასპირინის ნიღაბი სახის შავი წერტილებისგან გასასუფთავებლად
3 აბი ასპირინი;
2 ჩ.კ. სახის ლოსიონი.
დაფხვნილი ასპირინი და რომელიმე ყოველდღიური გამოყენების სახის ლოსიონი ერთმანეთში აურიეთ და მიღებული მასა სახეზე თხელ ფენად წაისვით.
10-15 წუთის შემდეგ ნიღაბი ჯერ თბილი, შემდეგ კი გრილი წყლით ჩამოიბანეთ.
ასპირინის ნიღაბი თიხითა და ყავით
4 აბი ასპირინი;
2 ს.კ. თიხა (თეთრი);
1 ჩ.კ. დაფქვილი ყავა (ნალექიანი);
მინერალური წყალი.
ზემოჩამოთვლილი ინგრედიენტები ერთმანეთში აურიეთ (მინერალური წყალი საჭიროა იმდენი, რომ მასა ფაფისებური გამოვიდეს) და სახეზე თხელ ფენად წაისვით.
ნახევარი საათის შემდეგ ნიღაბი თბილი წყლით ჩამოიბანეთ.
გაითვალისწინეთ:
ასპირინისგან მომზადებული კოსმეტიკური საშუალებების გამოყენება არ შეიძლება ორსულებისთვის და მეძუძური დედებისთვის.
მსგავსი საშუალებები, ასევე, უკუნაჩვენებია მათთვის, ვისაც სახეზე აღენიშნება ღია ნაკაწრები ან ჭრილობები!