ლია ახეჯაკოვა 1938 წელს დნეპროპეტროვსკში (უკრაინა), თეატრალურ ოჯახში დაიბადა. მამინაცვალი თეატრის მთავარი რეჟისორი იყო, დედა - მსახიობი. გოგონა, ფაქტობრივად, თეატრში გაიზარდა, რამაც მისი მომავალი განაპირობა.
ომის შემდგომ წლებში მსახიობის შრომა ერთ-ერთი ყველაზე მცირედ ანაზღაურებადი გახლდათ, ამიტომ სკოლის დამთავრების შემდეგ, მსახიობობაზე მეოცნებე გოგონამ, მშობლების თხოვნით, საბუთები, თეატრალურის ნაცვლად, ფერადი მეტალების ინსტიტუტში შეიტანა. წელიწად-ნახევრის შემდეგ მიხვდა, რომ თეატრის გარეშე ცხოვრება არ შეეძლო და თეატრალური ხელოვნების ინსტიტუტში (ГИТИС) ჩააბარა, რომელიც 1962 წელს წარმატებით დაამთავრა.
როცა მამინაცვალმა ლიას გადაწყვეტილების შესახებ გაიგო, საშინლად გაბრაზდა და გოგონა გააფრთხილა, რომ ოჯახი თავისი პრობლემებით არ შეეწუხებინა, თუმცა ლია სირთულეებისთვის მზად იყო...
ინსტიტუტში სწავლის პარალელურად, გოგონამ ქარხანაში მუშაობა დაიწყო.
ლიას პირველი სიყვარული იმ დროისთვის ცნობილი მსახიობი ვალერი ნოსიკი გახდა.
მიუხედავად იმისა, რომ მათ ურთიერთობაში განსაკუთრებული რომანტიკა არ იგრძნობოდა, წყვილი მალე დაქორწინდა.
ლიამ საკუთარი თავი მთლიანად ქმარს მიუძღვნა და ცდილობდა, მისი ბოჰემური ცხოვრების სტილისთვის ყურადღება არ მიექცია, თუმცა ნოსიკი „ემოციურ განტვირთვას“ ალკოჰოლსა და ქალებში ეძებდა და ცოლის თავგანწირვა საერთოდ არ აღელვებდა.
როგორც კი ქმრის რომანის შესახებ შეიტყო, ლიამ უხმოდ ჩაალაგა ჩემოდანი და ქმრის სახლი სამუდამოდ დატოვა.
მარტოობა დიდხანს არ გაგრძელებულა. საინტერესო მსახიობმა მალე მხატვარ ბორის ყოჩეიშვილის ყურადღება მიიქცია. იმ დროისთვის ლია უკვე ცნობილი მსახიობი და ახლად შექმნილი ოჯახის ძირითადი მარჩენალი გახლდათ, ხოლო ბორისის ნახატები ცუდად იყიდებოდა.
მხატვარი წარუმატებლობას იმდენად განიცდიდა, რომ ლიამ საგარეო საქმეთა სამინისტროს თხოვნით მიმართა და საფრანგეთში ყოჩეიშვილის ნამუშევრების გამოფენა მოაწყო. ამის შემდეგ, მხატვრის ცხოვრებაში თავბრუდამხვევი წარმატების პერიოდი დაიწყო. მალე მხატვრის შემოსავალმა მსახიობის ხელფასს რამდენჯერმე გადააჭარბა და ნელ-ნელა ყოჩეიშვილისთვის ლია უსარგებლო და უინტერესო ადამიანად იქცა.
ცოლ-ქმარი იმდენად გაუცხოვდა, რომ ლია ქმარს დასცილდა და მამაკაცებით გულგატეხილმა გადაწყვიტა, რომ აღარასოდეს გათხოვდებოდა.
მარტოობა 10 წელი გაგრძელდა, მაგრამ ბედისწერა მსახიობს კიდევ ერთ გამოცდას უმზადებდა.
2011 წელს წვეულებაზე სტუმრად მყოფმა 63 წლის ახეჯაკოვამ ფოტოკორესპონდენტი ვლადიმერ პერსიანინოვი გაიცნო...
რამდენიმე თვის შემდეგ ვლადიმერმა მსახიობს ცოლობა სთხოვა. წყვილი ახლობლებისგან მალულად, ჩუმად შეუღლდა.
მიუხედავად ასაკში დიდი სხვაობისა, ლიამ, ბოლოს და ბოლოს, ნამდვილი სიყვარული და ოჯახური ბედნიერება იპოვა. ვლადიმერმა ქალს ის სითბო და მზრუნველობა აჩუქა, რომელსაც პირველ ორ ქორწინებაში მოკლებული იყო, თუმცა შვილი არც ერთი ქორწინებიდან არ დარჩენია...
ლია ახეჯაკოვა 2017 წელს, 79 წლის ასაკში ინფარქტით გარდაიცვალა.