- დიახ, ყველაფერი აქ მოხდა! როცა დღევანდელ სპექტაკლზე ყველა ბილეთი გავყიდე, სალარო გასაღებით დავკეტე და დერეფანში გავედი. სარკესთან ვარცხნილობა შევისწორე, რადგან ჩვენი თეატრის დირექტორი ყველაფერში წესრიგს ითხოვს. როცა ამ კარს გავუსწორდი, ის უეცრად გაღო და თავში მომხვდა. თანხა სალაროდან იმ დროს გაიტაცეს, როცა მე უგონოდ ვიყავი, - აღელვებულად ჰყვებოდა მოლარე.
- იცით რა, - განაცხადა ინსპექტორმა ვარნიკემ მოლარის მონათხრობის მოსმენის შემდეგ, - თქვენი სახით მშვენიერი მსახიობი დაიკარგა. მაგრამ მე მაინც იძულებული ვარ, დაგაკავოთ. ჰო, მართლა, თქვენი თანამზრახველი რა გვარია?
რა ვითარებამ მისცა ინსპექტორს მიზეზი, ეჭვი შეეტანა მოლარის ჩვენებაში?