მეფე და ბრძენი
ერთ ბრძენს მეფის გაკრიტიკება უყვარდა. ერთხელაც, მეფეს ბრძენის კრიტიკა მობეზრდა და მისი სიკვდილით დასჯა გადაწყვიტა. როცა ბრძენი მეფესთან მიიყვანეს, მეფემ განუცხადა, რომ ბრძენს თავად შეეძლო სიკვდილით დასჯის ხერხის არჩევა. ბრძენს, უბრალოდ, უნდა შეევსო სიკვდილით დასჯის ბრძანების ტექსტი: „ვბრძანებ მოკვდეს...“
ბრძენმა მეფის სურვილი აღასრულა, რის შემდეგაც ის სახლში გაუშვეს. რა დაწერა ბრძენმა?
პასუხი
ორი პატიმარი
ციხის ერთადგილიანი საკნიდან ორი პატიმარი გაიქცა. იპოვეს ნავი, გადაცურეს მდინარე, მელოტს თავი გადაპარსეს!
ამ გამოცანაში სამ უზუსტობას თუ იპოვით, შოკოლადს გიყიდით?
პასუხი
გამოსავალი ყოველთვის არის
ერთხელ ერთ შორეულ სამეფოში დამნაშავე დაიჭირეს და სიკვდილი მიუსაჯეს, მაგრამ ვინაიდან მისი დანაშაულის მტკიცებულება მთლად სარწმუნო არ იყო, განაჩენის გამოტანა იღბალს მიანდეს.
თვალშეხვეულ დამნაშავეს ტომსიკიდან, სადაც ორი ბარათი იდო, ერთ-ერთი უნდა ამოეღო. ერთ ბარათს ეწერა „დასაჯეთ“, ხოლო მეორეს - „შეიწყალეთ“.
საუბედუროდ, დამნაშავემ ერთ-ერთ მოსამართლეს თავის დროზე ძლიერ აწყენინა, ამიტომაც ეს მოსამართლე დამნაშავესთან საკანში მივიდა და იქედნურად განუცხადა: მე შევცვალე ბარათები, ახლა ორივეს შენი სიკვდილი აწერია“.
როგორი გასაკვირიც არ უნდა იყოს, დამნაშავეს, პირიქით, გაუხარდა. ახლა მან ზუსტად იცოდა, რომ გადარჩენილი იყო. და მართლაც, გაამართლეს.
როგორ მოახერხა მან ეს?
პასუხი