ქალწული
ქალწული მიიჩნევს, რომ ურთიერთობა ისეთს ვერაფერს შესთავაზებს, რისი მიღწევაც მას დამოუკიდებლად არ შეუძლია. მასთან ურთიერთობა სასამართლო პროცესს ჰგავს: ის თქვენ ყოველი მხრიდან შეგისწავლით და თქვენს ყოველ საიდუმლოს, სუსტ წერტილსა და ვნებებს ბოლომდე გაარკვევს.
ქალწული, ასევე, ძალიან სუბიექტურია. მას ურჩევნია, გაშლილი ხელის მანძილზე ჰყავდეთ და ვითარების კონტროლი შეეძლოს. მისი გახსნა თითქმის შეუძლებელია, ვინაიდან ის ზედმეტად ჩაციკლულია თვითკონტროლზე.
მორიელი
მორიელი ურთიერთობაში ძალიან ვნებიანი და იმავდროულად ცივსისხლიანია. ის ამ წუთას შესაძლოა, ნაზი და სათუთი იყოს, ხოლო წუთის შემდეგ - გაბრაზებული და გაუცხოებული. მისი ხასიათის ცვლილებებს ვერ დაეწევით და ვერც ვერასდროს გამოიცნობთ.
მორიელი საკუთარ გულს გრძნობებისგან იცავს და თავს აიძულებს, სიყვარულის მიმართ იმუნიტეტი გამოიმუშაოს. დიდი ძალისხმევა მოგიწევთ იმისთვის, რომ მისი უნდობლობის ჯავშანი გაარღვიოთ. სანამ მორიელი გრძნობებში გაერკვევა, ემოციურად არამდგრადი და გამოუცნობი იქნება.
მშვილდოსანი
მშვილდოსანს არ უყვარს მიჩვევა. მას ისეთი კავშირები მოსწონს, როცა ვალდებულებებისგან თავისუფალია - მაგალითად, ურთიერთობის საწყისი ეტაპი. შემდეგში ის გზიდან გადახვევას შეეცდება.
მშვილდოსანს სერიოზულ ურთიერთობებს, ახალგაცნობილებთან ფლირტი ურჩევნია. ის, ასევე, იმპულსური და ქარაფშუტაა.
თხის რქა
თხის რქას ურთიერთობა გაუადვილდებოდა, ასეთი ფრთხილი რომ არ იყოს. მისი პრაქტიკული ბუნება, სიყვარულის გარდა, ყველა სფეროში მომგებიანია. იმის გამო, რომ სიყვარული გარკვეულწილად რისკიცაა, თხის რქას გადაწყვეტილების მიღება უჭირს. ვინმეს რომ მიეჩვიოს, ვაიდა ტკივილი მიაყენონ?
თხის რქა პაემანისთვის მეტისმეტად სერიოზულია. მომავალ პარტნიორთან შეხვედრა უფრო ინტერვიუს დაემსგავსება, ვიდრე პაემანს. ამის მიზეზი კი ის არის, რომ თხის რქა გონებას უფრო ენდობა, ვიდრე გულს.
მერწყული
მერწყული დამოუკიდებელი ნიშანია. ამას გარდა, მას მარტო ყოფნა ურჩევნია. იცის, რომ ურთიერთობით შეიძლება, ადვილად დაზარალდეს, გული გაუტყდეს. ამის გამო, ერთი შეხედვით ძალიან ცივია. ამით მას ტკივილისგან და გაუგებრობისგან თავის დაცვა სურს. ამიტომაც ურთიერთობისთვის ძალიან რთული ადამიანია.