ბურატინო - დიმიტრი იოსიფოვი
ამ საბავშვო ზღაპრის მთავარი გმირის შემსრულებელს დიდხანს ეძებდნენ. ფილმში გადაღებამდე დიმა ფიგურული სრიალით იყო გატაცებული, თუმცა „ბურატინოს თავგადასავლის“ ეკრანებზე გამოსვლის შემდეგ ამისთვის აღარ ეცალა. 10 წლის ბიჭუნას ქუჩაში ცნობდნენ და ავტოგრაფს სთხოვდნენ. სკოლის დამთავრების შემდეგ დიმიტრიმ კინემატოგრაფიის ინსტიტუტში ჩააბარა, შემდეგ კი სწავლა მინსკის სახელოვნებო ინსტიტუტის სარეჟისორო ფაკულტეტზე განაგრძო. დიმიტრი იოსიფოვს მონაწილეობა აქვს მიღებული 30-მდე ფილმში. დღეს ის ცნობილი რეალითი-შოუს Последний герой-ს დამდგმელი რეჟისორია, ასევე, მისი გადაღებულია პოპულარული ტელესერიალის Убойная сила-ს რამდენიმე სერია. ცხოვრობს მოსკოვში. ჰყავს მეუღლე და ორი შვილი.
მალვინა - ტატიანა პროცენკო
ულამაზესი მალვინა - ტატიანა პროცენკო რეჟისორის ასისტენტმა შემთხვევით მეტროში აღმოაჩინა. გოგონა მთელმა საბჭოთა კავშირმა გაიცნო. ტატიანა ბიჭებისგან ათასობით წერილს იღებდა, რომლებიც „მალვინას“ მეგობრობას სთავაზობდნენ. ფილმში აღებული ჰონორარით ტატიანამ პიანინო იყიდა, რომელზეც ამჟამად მისი პატარა გოგონა ანიუტა უკრავს.
ტატიანა მოსკოვში ცხოვრობს და დღესაც ისეთივე ლამაზი, ნაზი და დახვეწილია. მუშაობს ჟურნალ „ადამიანების პლანეტის“ მთავარ რედაქტორად. ჰყავს მეუღლე, მსახიობი ალექსანდრე ვოიტიუკი და ორი შვილი.
პიერო - რომან სტოლკარცი
პიეროს როლი რომა სტოლკარცმა შეასრულა. ფილმის წარმატების მიუხედავად, „პიერომ“ მსახიობობას ექიმობა არჩია. ის დღეს ისრაელში წარმატებული პედიატრი და ორი კერძო კლინიკის მფლობელია.
არტემონი - ტომას აუგუსტინასი
ალბათ, ყველას გახსოვთ მხიარული პუდელი, სახელად არტემონი, რომლის როლი ტომას აუგუსტინასმა ბრწყინვალედ შეასრულა. თუმცა, როგორც პიეროსთვის, არტემონისთვისაც პირველი და უკანასკნელი აღმოჩნდა „ბურატინოს თავგადასავალში“ შესრულებული როლი. ტომასი 1985 წელს ოჯახთან ერთად კანადაში გადავიდა საცხოვრებლად. ამჟამად წარმატებული ბიზნესმენია და ოტავაში ცხოვრობს.
არლეკინი - გრიგორი სვეტლოტუსოვი
მხიარული არლეკინის ცხვირების შესახებ ცოტაა ცნობილი. სკოლის შემდეგ მან დაამთავრა მინსკის უმაღლესი საინჟინრო სარაკეტო სასწავლებელი. შემდეგ ბელორუსში საკუთარ ბიზნესს ედგა სათავეში. რამდენიმე წლის წინათ მას ქურდობაში წაუყენეს ბრალი. გავრცელებული ხმებით, დღეს ის აშშ-ში ცხოვრობს. რას ვიზამთ, არავინ ვიცით, რას გვიმზადებს ბედი...
ახლა კი ნახეთ ფოტორეპორტაჟი გადასაღები მოედნიდან:
