იოსებ სტალინის შვილიშვილი კრის ევანსი (ოლგა პიტერსი)
43 წლის ევანსი სტალინის შვილის, სვეტლანა ალილუევას ქალიშვილია. ცხოვრობს ამერიკაში, ორეგონის შტატის ქალაქ პორტლენდში და აქვს იარაღის მაღაზია. დედამისი სვეტლანა ალილუევა 2011 წლის ნოემბერში აშშ-ში მოხუცებულთა თავშესაფარში გარდაიცვალა. კრისი სახელოვანი წინაპრის მიმართ ნეგატიურადაა განწყობილი. ფრანგულ გამოცემა Paris Match-თვის მიცემულ ინტერვიუში ის ამბობს: „ჩემი ოჯახის წევრები ჯუღაშვილები არიან - რუსები ქართული ფესვებით. სტალინმა ალილუევები გაანადგურა“.
ჩე გევარას შვილიშვილი ლიდია
ერნესტო რაფაელ გევარა დე ლა სერნა, ანუ, უბრალოდ, ჩე გევარა, კუბის პარტიზანული მოძრაობის ლიდერი და ფიდელ კასტროს 26 ივლისის მოძრაობის წევრი იყო. სახელოვანი ბაბუისგან განსხვავებით, მის 25 წლის ვეგეტარიანელ შვილიშვილს რევოლუციური მისწრაფებები არ აწუხებს. ლიდია მომღერალია და, მაქსიზმის ნაცვლად, როკის პროპაგანდას ეწევა.
საბჭოთა კავშირის ცკ-ს გენერალური მდივნის ლეონიდ ილიას ძე ბრეჟნევის შვილთაშვილი ლიუბოვ ბრეჟნევა
იგი ამჟამად ამერიკაში, კალიფორნიის შტატში ცხოვრობს. ბრეჟნევის შვილიშვილებმა დიმიტრიმ და ლეონიდმა ოქსფორდის უნივერსიტეტი დაამთავრეს.
მიხეილ გორბაჩოვის ქალიშვილი ირინა ვირგანსკაია და შვილიშვილი ქსენია პირჩენკო
ირინა, ძირითადად, სან-ფრანცისკოში ცხოვრობს, სადაც გორბაჩოვის ფონდის მთავარი ოფისია განთავსებული და ირინა ფონდის ვიცე-პრეზიდენტია. ქსენია კი, რომელიც გორბაჩოვის უფროსი შვილიშვილია, გერმანიაში ცხოვრობს.
ვასილი ჩაპაევის შვილთაშვილი ვასილისა ჩაპაევა
კადეტთა კორპუსში სწავლის დროს, ვასილისა სამხედრო თარჯიმნობაზე ოცნებობდა და იაპონურს სწავლობდა. ამჟამად ჟურნალისტიკისა და ლიტერატურული ხელოვნების ინსტიტუტის სტუდენტი, მწერალი და საიუველირო ბიზნესის მფლობელია და სახელოვან ბაბუაზე წიგნს წერს.
სსრკ ცკ-ს პირველი მდივნის ნიკიტა ხრუშჩოვის ვაჟი სერგეი ხრუშჩოვი
სერგეი 1991 წელს ამერიკაში, ბრაუნის უნივერსიტეტში ცივი ომის შესახებ ლექციების კურსის წასაკითხად გაემგზავრა, თუმცა საბოლოოდ ამერიკის მოქალაქეობა მიიღო და „დამპალ დასავლეთში“ საცხოვრებლად დარჩა. ამჟამად ცხოვრობს როდ-აილენდის შტატში და საერთაშორისო კვლევების ინსტიტუტში პროფესორად მუშაობს.
ნიკიტა ხრუშჩოვის შვილიშვილი ნინა ხრუშჩოვა
იგი ნიუ-იორკის ერთ-ერთ უნივერსიტეტში საერთაშორისო ურთიერთობებს ასწავლის.
სსრკ ცენტრალური კომიტეტის გენერალური მდივნის იური ანდროპოვის შვილიშვილი ტატიანა ანდროპოვა
მანაც, საბჭოთა ლიდერების სხვა შთამომავალთა მსგავსად, „დამპალ დასავლეთში“ ცხოვრება არჩია და ძმასთან კონსტანტინე ანდროპოვთან ერთად ამერიკაში ცხოვრობს. ტატიანა ცეკვის მასწავლებელია.