3 მიზეზი იმისა, რატომ არ გყავთ გვერდით კარგი მამაკაცი

ურთიერთობა

23 აპრილი 22:01
470

კაცის ფსიქოლოგიაში და ქალის მიერ კაცის აღქმაში ბევრი ნიუანსია, თუმცა არის ისეთი რაღაცები, რაც აშკარა და თვალსაჩინოა. როგორც ფსიქოლოგები ამბობენ, გენდერული თანასწორუფლებიანობა, რომელმაც ქალსა და მამაკაცს თავიანთი პოტენციალის სრული რეალიზაციისთვის თანაბარი პირობები და ცხოვრებისეული შანსები მისცა, ქალებს, ასე ვთქვათ, ბოროტად ეხუმრება და გარკვეული შეცდომების მიზეზი ხდება.

მაშ ასე, 3 მიზეზი იმისა, რატომ არ გყავთ გვერდით კარგი მამაკაცი:


1. ისე იქცევით, თითქოს მამაკაცი საერთოდ არ გჭირდებათ.
რა თქმა უნდა, არავის სურს, გვერდით სულელი ან უინტერესო ქალი ჰყავდეს, მაგრამ, თუ თქვენ კარგი ანაზღაურება გაქვთ, შეგიძლიათ, კაფეში საკუთარი წილის გადახდა, თავადაც მშვენივრად აღებთ კარს და ყველა გადაწყვეტილებაში მხოლოდ საკუთარ თავს ეყრდნობით, მართლაც, რისთვის გჭირდებათ გვერდით „ის“? მამაკაცი ამას გრძნობს და ცდილობს, თქვენს „იდეალურ სამყაროს“ ხელი არ შეუშალოს.


2. არ შეგიძლიათ სიყვარულის მიღება
მამაკაცს ჰაერივით სჭირდება 3 რამ: ნდობა, საჭიროების შეგრძნება და მადლიერება. შეყვარებული მამაკაცი საყვარელი ქალისთვის ბევრ რამეზეა წამსვლელი, მაგრამ რა აზრი აქვს ამ ყველაფერს, თუკი ქალი ამას ისე მიიღებს, როგორც, უბრალოდ, კაცის ზოგად ვალდებულებას? ისწავლეთ „მადლობის“ თქმა, მოსმენა და თქვენი ურთიერთობის შესახებ სტრატეგიული გადაწყვეტილებების მიღებისას ენდეთ თქვენს რჩეულს.


3. თქვენ „ყველგან და ყველაფერში“ ხართ, ეს კი მომაბეზრებელია
როცა კაცის გულის მოგება გსურთ, ფრთხილად უნდა იყოთ, რადგან იდეამ „რაც მსურს, აუცილებლად უნდა მოვიპოვო“, შესაძლოა, მამაკაცი დაგაკარგვინოთ. ნუ იქნებით „ყველგან“, დაუტოვეთ მას სივრცე მოქმედებისთვის. 


შესაძლოა, ამ სამი შეცდომიდან არც ერთი არ აღიაროთ, მაგრამ დაფიქრდით. შეხედეთ საკუთარ თავს გვერდიდან და ხვალვე გახდით ბედნიერი ქალი.