1. სამოგზაუროდ წადით მხოლოდ თქვენ ორნი
ცოლ-ქმრისთვის მნიშვნელოვანია, საკუთარი თავისთვის გამონახონ დრო. არაფერი დაშავდება, თუკი რამდენიმე დღეს თქვენი შვილები თქვენს მშობლებთან გაატარებენ, თქვენ კი დაისვენებთ და ერთი ერთზე ურთიერთობას შეძლებთ. არ არის აუცილებელი უცხოეთში გამგზავრება. განტვირთვაში ქალაქგარეთ უიქენდის გატარებაც დაგეხმარებათ.
2. მოუწყვეთ ერთმანეთს სიურპრიზები
ეცადეთ, წელიწადში ერთხელ მაინც გააოცოთ თქვენი მეორე ნახევარი და რამე საინტერესო შესთავაზოთ. ეს თქვენს ურთიერთობაში რაღაც ახალ მარცვალს შეიტანს და ერთმანეთს სხვა თვალით დაგანახვებთ. მოულოდნელი და, რა თქმა უნდა, სასიამოვნო სიურპრიზები საუკეთესო განწყობას გაჩუქებთ.
3. მოინახულეთ ის ადგილები, სადაც პირველი პაემანი გქონდათ
წელიწადში ერთხელ მაინც ერთად გაისეირნეთ იმ ადგილებში, სადაც ურთიერთობის დასაწყისში ხვდებოდით ერთმანეთს, დასხედით კაფეში, რომელიც მაშინ მოგწონდათ, მაგრამ დიდი ხანია, აღარ შესულხართ... ეს თქვენი სიყვარულის პირველი დღეების რომანტიკას გაგახსენებთ.
4. გაატარეთ დრო ცალ-ცალკე
დიახ, ხანდახან საჭიროა განმარტოება და ძველ ნაცნობებთან ურთიერთობა.
5. ოჯახური ტრადიციები
მნიშვნელოვანია, თავად მოიგონოთ საკუთარი ოჯახური ტრადიციები და შემდეგ ის მომავალ თაობებს გადასცეთ. ამისთვის საუკეთესო მიზეზია ოჯახური თარიღები. მაგალითად, განსაკუთრებულად აღნიშნეთ ქორწინების დღე. გადაიღეთ ფოტოები და მოიწვიეთ მეგობრები, ჩაიწერეთ საინტერესო მომენტები, რომლებიც ხშირად მალე გვავიწყდება, გადაიღეთ ვიდეო ოჯახური არქივისთვის, რომელსაც დიდი ხნის შემდეგ შვილიშვილებს აჩვენებთ და ბედნიერ მოგონებებში მათთან ერთად „იმოგზაურებთ“.