სამეცნიერო წრეებში ახლა ფართო მსჯელობის საგანია, ემოციური ინტელექტი თანდაყოლილია თუ მისი სწავლა შეიძლება. მკვლევართა უმეტესობა უკანასკნელ ვარიანტს ემხრობა.
მართლაც შეიძლება იმის სწავლა და დამახსოვრება, რას არ გააკეთებს მაღალი ემოციური ინტელექტის მქონე ადამიანი არასდროს:
1. ის არ აიგნორებს სხვების გრძნობებს
მაღალი ინტელექტის მქონე ადამიანი მზად არის თანაგრძნობისთვის. ის არასოდეს წაუყრუებს სხვის გრძნობებსა და ემოციებს. მას ნამდვილად აინტერესებთ, რას გრძნობენ ადამიანები.
2. ის არასდროს ითამაშებს მსხვერპლის როლს
ემოციურად მომწიფებულ ადამიანს მომენტალური იმპულსების მოთოკვა შეუძლია. როცა წარუმატებელი დღე აქვს, ის მსხვერპლის როლს არ ითამაშებს და საკუთარ ნეგატიურ ემოციებს აუცილებლად გონებით წარმართავს.
3. ის ყოველთვის მშვიდია
რა თქმა უნდა, ემოციურად ჭკვიან ადამიანსაც აქვს გრძნობები, თუმცა მშვენივრად ესმის, რომ გრძნობები მუდმივად პრობლემებთანაა დაკავშირებული. ამიტომ მას ვერასდროს შეატყობთ, რომ გრძნობებმა გონებას აჯობა.
4. მის ემოციებზე ვერავინ ითამაშებს
ძლიერი ემოციური ინტელექტის ადამიანი საკუთარი პიროვნების განადგურების უფლებას არავის მისცემს. ის, თავისი მგრძნობელობის მიუხედავად, საკუთარ ემოციებზე კონტროლს ყოველთვის ინარჩუნებს.
5. ის არასაჭირო კონფლიქტში არასდროს მონაწილეობს
ემოციურად ჭკვიანი ადამიანის ერთ-ერთი მთავარი დადებითი თვისება კონფლიქტის არიდების უნარია, იმისთვის, რომ თავისი ენერგია უფრო პოზიტიური ურთიერთობისთვის შეინახოს. მას შესანიშნავად შეუძლია სიტუაციაში ორიენტირება და ესმის, რომელი კონფლიქტი უნდა აიცილოს და რომელი მიიყვანოს გადაწყვეტამდე.
6. ის არ ჭორაობს
ემოციურად ჭკვიან ადამიანს ესმის, რომ ჭორს მხოლოდ ზარალი მოაქვს, მათ შორის - რეპუტაციისაც. მას საინტერესო თემებზე პოზიტიური საუბარი ურჩევნია. ამიტომ ყოველთვის გაურბის ჭორიკნებს.
7. მას არ ეშინია, თქვას „არა“
ბევრ ადამიანს უძნელდება „არა“-ს თქმა. შედეგად კი იღებენ ისეთ ვალდებულებას, რომელთან გამკლავება, უბრალოდ, არ შეუძლიათ. ემოციური ინტელექტის მქონე ადამიანმა იცის თავისი შესაძლებლობების საზღვრები, საკუთარ თავს პატივს სცემს და ესმის, როდის არის აუცილებელი „არას“ თქმა.
8. მას არ სჭირდება თავისი საქმიანობისთვის შექება
ემოციურად ჭკვიანმა ადამიანმა იცის, რომ შექება შრომის არაობიექტური შეფასებაა. მას მშვენივრად აქვს გააზრებული თავისი თავის და თავისი შრომის ფასი. შეუძლებელია მისი მოსყიდვა მლიქვნელობით, შექებით, კომპლიმენტებით. ამ ყველაფერს ის საკმაოდ გულგრილად იღებს. მიუხედავად ამისა, ყოველთვის პატივს სცემს სხვა ადამიანების აზრს.
