სოფო საჟინიანი: ძალიან ბედნიერი ვარ! ყველაზე მეტად კი მათი კომენტარები მახარებს, ვისაც ამ დრომდე არ მოვწონდი და მლანძღავდა. ადამიანებმა, რომლებიც აგრესიული შინაარსის შეტყობინებებს მწერდნენ, ჩემდამი დამოკიდებულება შეიცვალეს. მწერენ, როგორი კარგი ვარ და მიმესიჯებენ კიდეც. ამისთვის ძალიან დიდი მადლობა მათ.
- როგორ ფიქრობთ, რატომ შეცვალეს დამოკიდებულება?
- არ ვიცი... „X ფაქტორი“ მაყურებელს რეპეტიციებიდან თუ კულისებიდანაც აწვდის ვიდეოებს. ამ დროს ყველა ხვდება, რომ არ თამაშობ და, ალბათ, უფრო ახლოს გამიცნეს.
- გრძელ თმას რატომ შეელიეთ?
- მართალია, „X ფაქტორის“ სცენაზე გრძელი თმით გამოვჩნდი, მაგრამ მოკლე თმაც ძალიან მოვიხდინე. შეგრძნება მაქვს, რომ თითქოს ცუდი ენერგია მოვიშორე და ახლიდან დავიბადე.
- სექსუალურ იმიჯში თავს რამდენად კომფორტულად გრძნობთ?
- სექსუალური იმიჯი ჩემთვის ძალიან ორგანულია და კომპლიმენტებსაც ხშირად მეუბნებიან, თუმცა ამაზე ნაკლებად ვამახვილებ ყურადღებას. უბრალოდ მიხარია, რომ მაყურებელმა მიმიღო ისეთი, როგორიც ვარ.