ლელა წურწუმია: გული დამწყდა, რადგან „X ფაქტორი“ ძალიან მაგარმა მომღერალმა და არტისტმა დატოვა. გიორგი გაბუნიამ რომ თქვა, მაგდა ადვილ გზას ირჩევსო, ასე არ არის. საკმაოდ რთული სიმღერები შეასრულა. უბრალოდ, მაყურებლამდე ემოცია იმდენად სწორად მოაქვს, ყველაფერი გეადვილება.
- მაგდას უამრავი გულშემატკივარი ჰყავდა, თუმცა აუტსაიდერებში ორჯერ მოხვდა...
- წელს გამორჩეული კონკურსანტები გვყავს და აუტსაიდერებში ნებისმიერი მათგანი შეიძლება მოხვდეს. ამიტომ მინდა, მაყურებელს მივმართო: დაურეკეთ თქვენს რჩეულს და ისინი აუტსაიდერებში არ მოხვდებიან! ვინც არ უნდა გაიმარჯვოს, ყველა ძალიან მაგარია. მთავარია, კონკურსანტებმა პროექტი სათავისოდ და სწორად გამოიყენონ.