ვერძი
დღის ბოლოს მარტო დარჩენის სურვილი გაგიჩნდებათ, რადგან ხვდებით, რომ საკუთარ თავთან მარტო დარჩენა ახალი ძალებით აგავსებთ. ამ დღეს სადმე გაქცევა ან ვიღაცის გამოკიდება არ დაგჭირდებათ, თუმცა ისეთი განცდა გაქვთ, რომ ყველაფერი ხელიდან გივარდებათ.
კურო
მშვენიერი დღეა იმისთვის, რომ რაღაც უსარგებლო ნივთისგან გათავისუფლდეთ. არ იდარდოთ, მის გარეშე თავს უკეთ იგრძნობთ. ეცადეთ, თქვენი მისამართით დასმულ კითხვებს თავი აარიდოთ.
ტყუპები
შესაძლოა, ვიღაცამ რაღაც საქმის თქვენს ნაცვლად გაკეთება გადაწყვიტოს, მაგრამ დაფიქრდით, გჭირდებათ ისეთი დახმარება, რომლის საფასური ორმაგად უნდა გადაიხადოთ? მზად იყავით იმისთვის, რომ ვიღაც თქვენი ადგილის დაკავებას ცდილობს. უცნობი ადამიანების ნებისმიერ შეთავაზებას უარით უნდა უპასუხოთ.
კირჩხიბი
ყველა საქმეზე რჩევისთვის მეგობრებთან ნუ გარბიხართ. ისწავლეთ გადაწყვეტილებების მიღება და პასუხისმგებლობის საკუთარ თავზე აღება. სურვილი გაქვთ, რომ ყველაფერს ზურგი აქციოთ და გაურკვეველი მიმართულებით წახვიდეთ, მაგრამ ეს ის არაა, რაც ამჟამად გჭირდებათ. შესაძლოა, დიდი სისულელე ჩაიდინოთ, თუ სხვების რჩევებსა და ემოციებს აჰყვებით.
ლომი
ახალი ნაცნობობა გელით, რომელიც ხანმოკლე იქნება, მაგრამ დაუვიწყარ მოგონებებს გაჩუქებთ. ვიღაც გეპირფერებათ, ამიტომ კარგად დაფიქრდით, სანამ მის სიტყვებს დაიჯერებთ. შესაძლოა, დღეს ინტუიციამ გიღალატოთ.
ქალწული
მშვენიერი დღეა ისეთი ჩანაფიქრის განსახორციელებლად, რომელიც ჭკუასა და გამჭრიახობას მოითხოვს. ქალწულებო, პრობლემების მოგვარებას სხვისი ხელით ნუ ცდილობთ. გირჩევთ, ვიღაცაზე დაკვირვებას და თვალთვალს თავი დაანებოთ, რადგან ინფორმაცია, რომელსაც მოიპოვებთ, თავად დაგაზარალებთ. სავარაუდოდ, რაღაცას არასწორად გაიგებთ.
სასწორი
ამ დღეს სასწორებმა შეგიძლიათ, თამამად მიმართოთ ხელმძღვანელს ნებისმიერ საკითხზე. ის გულდასმით მოგისმენთ და გაგიგებთ. სასწორებისთვის რეკომენდებულია, ითამაშონ ფსიქოლოგიური თამაში - „იპოვეთ რაიმე კარგი თითოეულ ადამიანში“. ვარსკვლავები გირჩევენ, სითამამე მოიკრიბოთ და საბოლოოდ თქვათ ის, რის თქმაც დიდი ხანია გსურთ.
მორიელი
ამ დღეს დაძაბულობის გარეშე ვერ გაატარებთ, მაგრამ სწორედ ამაშია ხვალინდელი დღის ხიბლი. მორიელებისთვის არ არის რეკომენდებული მომხდარი მოვლენების მიღმა დარჩენა, აუცილებლად უნდა იაქტიუროთ. ნუ დაამტკიცებთ საკუთარ სიმართლეს ფიზიკური ძალით.
მშვილდოსანი
ამ დღეს, ისე როგორც არასდროს, მოგინდებათ კომპრომისზე წასვლა, რითიც გაახარებთ საკუთარ ოპონენტებს და თქვენც მოგეწონებათ პრობლემის მოგვარების ამგვარი ხერხი. შესაძლოა, გარშემომყოფებმა რჩევებით აგავსონ, რომლებიც გაგაღიზიანებთ.
თხის რქა
ამ დღეს შეგიძლიათ, აკეთოთ ის, რაც მოგესურვებათ. თუკი ტირილის სურვილი გაგიჩნდებათ, იტირეთ კიდეც, ესეც სასარგებლოდ წაგადგებათ. ვარსკვლავები ცოტა ხნით განმარტოებას გირჩევენ. გაითვალისწინეთ, რომ ეს დღე არ არის შესაფერისი მნიშვნელოვან დოკუმენტებზე სამუშაოდ და უძრავი ქონების საბუთებზე ხელის მოსაწერად.
მერწყული
თუკი დიდი ხანია, გსურთ ვინმესთან დარეკვა, მაგრამ ვერ გადაგიწყვეტიათ, ამ დღეს აუცილებლად უნდა მიიღოთ გადაწყვეტილება. მიეცით საკუთარ თავს ცოტაოდენი სიზარმაცის უფლება, ამისთვის არავინ გისაყვედურებთ.
თევზები
თევზებს ახალი ნაცნობობა ელოდებათ, თუკი უფროსი ადამიანისგან რჩევას მიიღებთ, აუცილებლად გაითვალისწინეთ. გაიხსენეთ გამოთქმა: „ნელა ივლით, შორს წახვალთ“. სიჩქარეში შესაძლოა, რაიმე დააზიანოთ.
