ვერძი
დადგა დრო, კარგად შესრულებული სამუშაოსთვის დამსახურებული ჯილდო მიიღოთ. ხვალ საინფორმაციო გადაცემების ყურებას უნდა მოერიდოთ. ვერძებო, ნუთუ კიდევ ვერ ხვდებით, რომ ამდენი ხანი „ქარის წისქვილებს“ ებრძვით?
კურო
ხვალ მჭევრმეტყველების საოცარ ნიჭს გამოავლენთ და საზოგადოებას თქვენი საუბრით მოხიბლავთ. გაუღიმეთ სარკეში საკუთარ გამოსახულებას. შესაფერისი დღეა ძველი ურთიერთობების განსაახლებლად.
ტყუპები
შესანიშნავი დღეა სერიოზული ამოცანების გადასაჭრელად და ახლის შესაცნობად: ახალი გასართობი, მოგზაურობა, დასვენება, ახალი ნაცნობობა და ა.შ. თქვენმა სიჩუმემ შეიძლება ახლობელ ადამიანს გული ატკინოს.
კირჩხიბი
გარისკეთ და შეიძინეთ ლატარიის ბილეთი. ყურადღებით მოისმინეთ, რას ამბობს ხალხი თქვენზე და შესაბამისი დასკვნები გამოიტანეთ. გირჩევთ, დახმარებისთვის მაგიას ნუ მიმართავთ, თორემ შეიძლება ჩვეულებრივი შარლატანის მსხვერპლი გახდეთ.
ლომი
გირჩევთ, თქვენთვის მტკივნეულ პრობლემასთან დაკავშირებით, რჩევა უფროს ადამიანს ჰკითხოთ. შესაძლოა, ის ერთადერთი და სწორი პასუხის პოვნაში დაგეხმაროთ. ეცადეთ, საპირისპირო სქესის წარმომადგენლის დანახვაზე „თავი არ დაკარგოთ“. გირჩევთ, ეს დღე ზედმეტი ემოციების გარეშე გაატაროთ.
ქალწული
ნაცნობობა, რომელსაც თავიდან დიდ მნიშვნელობას არ მიანიჭებთ, შეიძლება მთელი თქვენი ცხოვრების სიყვარული გახდეს. ნუ გადადებთ ხვალისთვის იმის გაკეთებას, რაც დღეს შეგიძლიათ. მხოლოდ ასე შეძლებთ მშვიდად დაძინებას. ხვალ იღბალს მხოლოდ შორიდან გააყოლებთ თვალს.
სასწორი
სასწორებს შესაძლოა, მივლინებაში მოუწიოთ გამგზავრება, თუმცა, ეს არ იქნება თქვენთვის დამღლელი, პირიქით, საინტერესო და დამაინტრიგებელი მოგზაურობა გელოდებათ. ნუ ჩაიცვამთ ისეთ ტანისამოსს, რომელშიც თავს კომფორტულად და თავდაჯერებულად არ გრძნობთ. ახალი მეგობრები თქვენს ცხოვრებაში ახალ პრობლემებს შემოიტანენ.
მორიელი
ცხოვრების სირთულეები ვერ შეგაშინებთ, მაინც შეძლებთ, ჯადოსნური გზით გამოსავალი გამონახოთ. მოთოკეთ ამბიციები, სცადეთ, მიიღოთ სიამოვნება იმისგან, რაც გაქვთ. საკუთარი ძალების დახმარებით ნებისმიერ პრობლემას გაუმკლავდებით.
მშვილდოსანი
ხვალ შეგიძლიათ აკეთოთ ის, რაც მოგესურვებათ. თუკი ტირილის სურვილი გაგიჩნდებათ, ესეც კი სასარგებლო იქნება. შეეცადეთ, მოვლენებს პოზიტიურად მოეკიდოთ და წვრილმანებში იპოვოთ ბედნიერება. ხვალ საბოლოოდ შეძლებთ ამოცანის ამოხსნას, რომელზეც პასუხი შვებას მოგგვრით.
თხის რქა
ხვალ საკუთარი ორგანიზატორული ნიჭი გაგაკვირვებთ. თქვენი ორგანიზებული ღონისძიება სტუმრებს დიდხანს დაამახსოვრდებათ. ხვალინდელ დღეს ძილის შეგრძნება განსაკუთრებით შეგაწუხებთ, ამიტომ ნუ ჩაინიშნავთ რაიმე მნიშვნელოვანს. თუკი შემთხვევით უპატრონო ცხოველს ნახავთ, ნუ ჩაუვლით გვერდით გულგრილად.
მერწყული
ეს დღე მერწყულებისთვის წარმატებულად დაიწყება. ვარსკვლავები გირჩევენ, საათთან იმეგობროთ, წინააღმდეგ შემთხვევაში ვერ მოასწრებთ მისვლას იქ, სადაც აუცილებლად უნდა მიხვიდეთ. კარგი იქნება, თუკი ხვალ კარაოკეს იმღერებთ.
თევზები
შეეცადეთ, ხვალ მსმენელის პოზიცია დაიკავოთ. ამგვარად თანამოსაუბრესაც ასიამოვნეთ და თავადაც ბევრ საინტერესო სიახლეს შეიტყობთ. თევზებო, ნუ აჰყვებით ჭორებს და ნუ გააკრიტიკებთ სხვებს. ვარსკვლავები გირჩევენ, სითამამე მოიკრიბოთ და თქვათ ის, რის თქმაც დიდი ხანია გსურთ.
