ვერძი
ხვალ ზედმეტად პასიური იქნებით. შეუძლოდ ყოფნის მომიზეზებით, უარს იტყვით საოჯახო საქმეებში მონაწილეობაზე და საღამომდე ლოგინიდან არ ადგებით. საღამოს ძველი მეგობარი გეწვევათ, ვისთან ურთიერთობაც თქვენს განწყობაზე სასიკეთოდ აისახება. უფრო სწორად, თქვენზე სასიკეთოდ აისახება სიახლე, რომელსაც მეგობრისგან გაიგებთ. კერძოდ, ის, რომ ადამიანი, რომელიც დიდი ხანია მოგწონთ, უკვე თავისუფალია და მზადაა, თქვენთან რომანი დაიწყოს.
კურო
ხვალ სენსაციური ცნობა აგაფორიაქებთ. გაიგებთ, რომ მალე გინახულებთ ადამიანი, რომელმაც რამდენიმე წელი საზღვარგარეთ გაატარა. მასთან შეხვედრისთვის მზადებას რამდენიმე საათი მოუნდებით, თუმცა შედეგით არც თქვენ და არც ის იმედგაცრუებული არ დარჩებით. მისგან უამრავ საინტერესო ამბავს მოისმენთ და გადაწყვეტთ, რომ თქვენს ცხოვრებაში რადიკალური ცვლილებების დრო დადგა.
ტყუპები
შაბათ დღეს მთლიანად ინტერნეტში გაატარებთ. ძირითადად, სოციალურ ქსელებში, იმ ადამიანთან მიმოწერით დაკავდებით, რომელიც არასოდეს გინახავთ, მაგრამ თითქმის მზად ხართ, თქვენი მეორე ნახევარი უწოდოთ. იმის მომიზეზებით, რომ საჩქარო არაფერია, თქვენი რჩეული ჯერჯერობით, შეხვედრისგან თავს იკავებს. ეს, ამბავი ცოტა არ იყოს, დაგამწუხრებთ, რადგან ჩქარობთ, ეს საოცარი ადამიანი მეგობრებს გააცნოთ.
კირჩხიბი
გირჩევთ, ხვალ ფიზიკურად და სულიერად დაისვენოთ. მთელი კვირის მანძილზე დაგროვილი დაღლილობისგან რომ გათავისუფლდეთ, საუნაში, აბანოში ან აუზზე წადით. თუ დიდი ხანია რომელიღაც საინტერესო წიგნის წაკითხვაზე ოცნებობთ, ამის გაკეთებას სწორედ დღეს მოახერხებთ. მოერიდეთ ემოციურ გადაღლას, რომელიც შეიძლება ამ საინტერესო წიგნით ან რომელიმე ტელეგადაცემით იყოს გამოწვეული.
ლომი
ემოციებით სავსე დასვენების დღე გელით. თქვენი ოჯახი ერთ დღეში რამდენიმე საოცარი ადგილის მონახულებას მოასწრებს, რომელთაგან თითოეული თქვენ და თქვენი ოჯახის წევრებს დაუვიწყარ შთაბეჭდილებებს გაჩუქებთ. დღის ბოლოს, მეუღლისთვის რომანტიკულ საღამოს მოაწყობთ და დრო, რომელსაც მხოლოდ თქვენ, ორნი გაატარებთ, ძალიან დიდხანს გემახსოვრებათ.
ქალწული
ხვალ მსხვილი შენაძენისგან თავი უნდა შეიკავოთ. ცოტას თუ დაიცდით, სასურველი ნივთის შეძენას მნიშვნელოვანი ფასდაკლებით შეძლებთ. თქვენთვის და თქვენი ოჯახისთვის შაბათისთვის საუკეთესო იდეა ქალაქგარეთ გასეირნება იქნება. ამინდის შესაფერისად ჩაიცვით და გაემგზავრეთ იქ, სადაც პირველყოფილი ბუნება ყველა პრობლემას დაგავიწყებთ. გირჩევთ, ეს ლამაზი ადგილები ფოტოებზე აღბეჭდოთ, რომ მოგვიანებით, მედიტაციისთვის გამოგადგეთ.
სასწორი
სასწორები ხვალ კეთილ ნებას გამოიჩენენ და ნათესავზე იზრუნებენ. თქვენთვის გულდასაწყვეტი აღმოჩნდება ის ფაქტი, რომ ამ ხანშიშესულ ადამიანს უამრავი ახლობელი ადამიანი და ასაკში მარტო დარჩა. ყველაფერს გააკეთებთ იმისთვის, რომ მას ჯანმრთელობის მდგომარეობა შეუმსუბუქოთ. თქვენი უანგარო საქციელი წარმატებას მოგიტანთ და ჯილდოს დაიმსახურებთ. თქვენი ნათესავი ღირებულ საჩუქარს მოგიძღვნით.
მორიელი
ხვალ ვარსკვლავები არ გირჩევენ, საკუთარი გულის კარნახს მიენდოთ. ინტუიციურად შესაძლოა, რომელიმე ნივთი აირჩიოთ, რომელიც ყოველდღიურობაში საჭიროა, მაგრამ დანარჩენ გადაწყვეტილებებში სასურველია, რკინის ლოგიკით მიუდგეთ. სანამ „კის“ ან „არას“ უპასუხებთ რომელიმე კონკრეტულ შემოთავაზებაზე, მოაგროვეთ ყველა საჭირო ინფორმაცია ამ ადამიანის შესახებ. გასათვალისწინებელია ის ფაქტიც, რომ მასთან რომანის დაწყებამდე პოტენციური მეორე ნახევრის შესახებ ყველა ნიუანსი იცოდეთ.
მშვილდოსანი
მშვილდოსნებს ხვალ მხოლოდ სიმშვიდესა და სიწყნარეში მოუნდებათ ყოფნა. ახლობელი ადამიანების წრეში ყოფნის დროს იმ პროექტს დაასრულებთ, რომელზეც რამდენიმე დღის წინ დაიწყეთ მუშაობა და ახლობლებთან პროექტის პრეზენტაციას გამართავთ. მათგან უამრავ შექებასა და აღტაცებას დაიმსახურებთ. მათი რეაქცია სტიმულს მოგცემთ იმისთვის, რომ კიდევ უფრო მეტი იმუშაოთ და უახლოეს დღეებში თქვენი პროექტი ფართო აუდიტორიას გააცნოთ.
თხის რქა
ხმაურიან წვეულებაზე ყოფნის დროს ვარსკვლავები სიფრთხილისკენ მოგიწოდებენ. როგორც კი მოდუნდებით, შესაძლოა ქურდობის მსხვერპლი გახდეთ. უსიამოვნების თავიდან ასაცილებლად, შეძლებისდაგვარად შეეცადეთ, მოერიდოთ ხმაურიან შეკრებებს. თქვენთვის ყველაზე უსაფრთხო და იდეალური ვარიანტია, დასვენების დღეები სახლში გაატაროთ და საოჯახო წვეულება მოაწყოთ, სადაც უახლოესი მეზობლების დაპატიჟებას შეძლებთ..
მერწყული
ხვალ ბევრს იოცნებებთ პოტენციურ გამდიდრებაზე. ფიქრებში წარმოიდგენთ, როგორ ჯდებით პრესტიჟულ ავტომობილში ან როგორ ირჩევთ ინტერიერს თქვენი მდიდრული სასახლისთვის. სამწუხაროდ, თქვენი ოცნება ოცნებად დარჩება და მხოლოდ მაშინ გამოფხიზლდებით, როდესაც საფოსტო ყუთში გადაუხდელი ქვითრის შესახებ წერილს აღმოაჩენთ. ჯარიმას ხვალვე გადაიხდით და სერიოზულად დაიწყებთ ფიქრს იმის შესახებ, როგორ აისრულოთ ოცნებები.
თევზები
კარგი იქნება, თუკი ხვალ სულიერ სიმშვიდეზე იზრუნებთ. ამგვარად შეძლებთ გააანალიზოთ, რა ხდება თქვენი ფიქრების სიღრმეში. როგორც კი ყველა გადაუჭრელ მორალურ პრობლემას მოაგვარებთ, დამსახურებულ დასვენებაზე დაფიქრდით. გელოდებიან მეგობრები, რომელთა წრეში სერიოზული ადამიანის ამპლუას დაივიწყებთ და საბოლოოდ განთავისუფლდებით მტკივნეული აზრებისგან.