ვერძი
საუკეთესო დღეა შეხვედრებისა და ახალი შთაბეჭდილებებისთვის. ბევრ ვერძს მოუწევს, თავადაც ისწავლოს და სხვებსაც ასწავლოს, რომ ახალ წელს ბრძნული გამოცდილებითა და განახლებული შთაბეჭდილებებით შეხვდეს.
კურო
შესაძლოა, სამსახურებრივი საქმეებით დატვირთული ოჯახსა და შვილებს მოსწყდეთ. გაითვალისწინეთ, რომ ეს დღე ასეთი შეცდომების გამოსასწორებლად საუკეთესოა. ეცადეთ, შვილებს მაქსიმალური ყურადღება დაუთმოთ. თუ გასულ წელს ისეთ ადამიანს ეჩხუბეთ, ვინც ძალიან გიყვართ, ეცადეთ, წელს შეურიგდეთ. გახსოვდეთ, ამ დღეს დამყარებული სასიყვარულო კავშირი წლის ბოლომდე გაგათბობთ.
ტყუპები
შესაძლოა, ამ დღეს დიდი ხნის უნახავ ნათესავებს შეხვდეთ. ეცადეთ, რომ ახლობლები საკუთარი ენერგიულობით, მომხიბვლელობითა და მხიარულებით აღაფრთოვანოთ და თქვენი ურთიერთობები უფრო საინტერესო გახდება.
კირჩხიბი
ზეიმის სასიხარულო ატმოსფერო ამაღლებულ განწყობას შეგიქმნით. საშობაო არდადეგებზე მოსალოდნელია რომანტიკული შეხვედრები. ეცადეთ, ეს განწყობა რაც შეიძლება დიდხანს გაგრძელდეს, რადგან ოპტიმისტური განწყობა კარგი ჯანმრთელობის გარანტია.
ლომი
ამ დღეს ვარსკვლავები თქვენს ენერგიულობასა და კომუნიკაბელურობას უზრუნველყოფენ. გამორიცხული არაა, რომ საჩუქრად ის ნივთი მიიღოთ, რომელზეც დიდი ხანია ოცნებობთ. ზეიმის მიუხედავად, ფინანსებსა და სამომავლო საქმეებზე საუბრები გელით. შობა გაცილებით მხიარულად ჩაივლის, თუ მრავალფეროვანი მოვლენებით, შეხვედრებითა და ახალი ნაცნობობით გაამდიდრებთ.
ქალწული
სავარაუდოდ, ოჯახური წვეულების ინიციატორი იქნებით. ამ დღეს განწყობილი ხართ, რომ შვილების გვერდით იმხიარულოთ და მათი კაპრიზები დააკმაყოფილოთ. ნუ დაინანებთ ფულს თქვენთვის მოსაწონი ნივთებისა და საჩუქრების შეძენისთვის. ამჟამად, მატერიალური კეთილდღეობა თქვენთვის ნაკლებად მნიშვნელოვანია.
სასწორი
რაც უფრო მეტს გასცემთ ამ დღეს, მით უფრო ბევრი დაგიბრუნდებათ. ეს დღე შესანიშნავია საჩუქრების გასაკეთებლად. გამოიჩინეთ სიკეთე და გაეცით სითბო. ნებისმიერ შემთხვევაში ვარსკვლავები გირჩევენ, დადებითად მიუდგეთ ნებისმიერ მოვლენას. შეეცადეთ, ეს დღე ახლობელი ადამიანების გარემოცვაში გაატაროთ.
მორიელი
ბავშვებთან საერთო ენას მარტივად გამონახავთ. სადღესასწაულო ღონისძიებებში აქტიურად ჩაერთვებით. თუმცა, მორიელების უმეტესობას პროფესიული საქმეები უფრო მიიზიდავთ, ვიდრე ბავშვებთან ურთიერთობა. ვარსკვლავები გირჩევენ იყოთ მზრუნველი და გასცეთ ბრძნული რჩევები, რათა სხვებისთვის მაგალითი იყოთ.
მშვილდოსანი
ოჯახურ ურთიერთობებში სასიამოვნო მოულოდნელობა გელოდებათ, რაც ახალ და ძველ ნათესავებთან შეხვედრას უკავშირდება. შეეცადეთ, სხვებს მაქსიმალურად დაეხმაროთ და ადამიანებს თქვენი დახმარების შანსიც მისცეთ.
თხის რქა
ამ დღეს პოზიტიური განწყობით დაიწყებთ. შესაძლოა, ოჯახის წევრმა თქვენთვის სასურველი საჩუქარი მოგიძღვნათ. მართალია, თქვენთვის ყველაზე ძვირფასი გულწრფელობა და ურთიერთობაში ნდობაა, თუმცა, სასურველი ნივთიც ძალიან გაგახარებთ.
მერწყული
თქვენი შვილებით ამ დღეს განსაკუთრებით იამაყებთ. ეს პერიოდი შესანიშნავია ოჯახური ურთიერთობების გასამყარებლად. არ დაგავიწყდეთ, ყურადღება მიაქციოთ მეორე ნახევარს. აუცილებლად შეისწავლეთ ოჯახის თითოეული წევრის ხასიათი, რათა საახალწლო საჩუქრები ზუსტად შეურჩიოთ.
თევზები
ვარსკვლავები გირჩევენ, საყვარელ ადამიანს და ახლობელ ადამიანებს ისეთი საჩუქარი შეურჩიოთ, რომლებიც მათ ყველაზე მეტად გაახარებთ. არ არის აუცილებელი, მათ ძვირად ღირებული ნივთები აჩუქოთ, მთავარია, საჩუქარი იყოს სადა, კრეატიული და გემოვნებით შერჩეული. თქვენ გაქვთ ადამიანების გახარებისა და გაოცების ნიჭი. ასე რომ, გამოიჩინეთ ფანტაზია.
