ვერძი
კონფლიქტების ტყვე აღმოჩნდებით როგორც სახლში, ისე სამსახურში. ადმინისტრაცია არ აფასებს თქვენს ძალისხმევას, რომელიც ტიტანურად გეჩვენებათ. მოიშორეთ ყველანაირი ნეგატივი. დაისვენეთ, იმოგზაურეთ მთაში, ზღვაზე ან უბრალოდ, ტყეში გაისეირნეთ. ეს საუკეთესო საშუალებაა ჯანმრთელობის გასაძლიერებლად და კონფლიქტების თავიდან ასაცილებლად. გარდა ამისა, მოგზაურობის დროს ახალ მეგობრებს გაიჩენთ.
კურო
შემოქმედებით კუროებს ეს დღე თავის წარმოსაჩენად ბევრ შანსს მისცემს. მართალია, პრემიები, ჯილდოები და მსგავსი წახალისებები ნაკლებად სავარაუდოა, მაგრამ სამაგიეროდ, მოწოდების სიმაღლეზე იქნებით და რაიმე სერიოზულის შექმნას შეძლებთ: დაწერთ რომანს, დახატავთ, შეიმუშავებთ პროექტს და ა.შ. იშრომეთ მშვიდად: ძალიან მალე ეს ბრწყინვალე დივიდენდებს მოგიტანთ.
ტყუპები
თქვენ იცით, როგორ მიიზიდოთ თაყვანისმცემლების ყურადღება, თუმცა, ამ დღეს საკუთარი ჭეშმარიტი გრძნობების გამოხატვა გაგიჭირდებათ. იქნებ, ისე მოხდეს, რომ ლიდერი გახდეთ. თუკი პარტნიორთან ურთიერთობაში კომპრომისს არ იპოვით და რომელიმე თქვენგანი დათმობაზე არ წავა, ურთიერთობა აუცილებლად დაგეძაბებათ.
კურო
თქვენი ენერგია და მოხერხებულობა ფინანსურ მოგებას მოგიტანთ. შეგიძლიათ, მნიშვნელოვან ხელშეკრულებებზე იმუშაოთ. ვარსკვლავები გირჩევენ, მატერიალური კეთილდღეობის მისაღებად საკუთარი ძალების კონცენტრირება შეძლოთ.
ლომი
თქვენში ძლიერი ენერგეტიკული პოტენციალი შეინიშნება, რომელიც შეგიძლიათ, ცვლილებებისთვის გამოიყენოთ და თქვენი ცხოვრება სრულიად გარდაქმნათ. აიძულეთ გარშემომყოფები ყურადღება მოგაქციონ ან შეეცადეთ, პროექტი, რომელზეც მუშაობთ, საჯარო გახადოთ.
ქალწული
მაცდური დღე გელოდებათ. მნიშვნელოვან საქმეს მთელი გულით გაუძღვებით, თუმცა, თუკი ყურადღებას არ გამოიჩენთ, შესაძლოა, გაანიავოთ როგორც თქვენი, ისე სხვისი ქონება. ნუ დაკავდებით იმ საქმით, რომელიც თქვენი არ არის. ექსპერიმენტები გამორიცხეთ.
სასწორი
ილუზია, მისტიკა და ცრურწმენები გაგიტაცებთ. საქმეებში დაბნეულობა და ფინანსური სირთულეები შეინიშნება. შეძენილი ნივთი, შესაძლოა, გაფუჭებული აღმოჩნდეს. ვარსკვლავები არ გირჩევენ მნიშვნელოვანი გადაწყვეტილებების მიღებას და პარტნიორებთან ურთიერთობას. ასევე, მოერიდეთ უძრავი ქონების რეგისტრაციას და საოჯახო პრობლემების გადაწყვეტას.
მორიელი
ეს დღე სწავლისთვის შესანიშნავია. შესაძლოა, ცოდნის უმეტესი ნაწილი ინტუიციურად მიიღოთ. მასწავლებლებს მდიდარი ფანტაზიითა და წარმოსახვის უნარით გააოცებთ. ნებისმიერ სიტუაციას, ვითარებას, ადამიანებს და ნივთებსაც კი მომენტალურად მოერგებით.
მშვილდოსანი
დღის პირველი ნახევარი არცთუ ისე დადებითი იქნება თქვენთვის. მიზეზი კი თქვენი დაბნეულობა და თავდაუჯერებლობა იქნება, თუმცა, დღის მეორე ნახევარში ახალი კოლეგებისგან, ხელმძღვანელობისგან და მეგობრებისგან მხარდაჭერას იგრძნობთ. გამოიჩინეთ დამოუკიდებლობა და მაქსიმალური შესაძლებლობები. თქვენი წარმატება დამოკიდებულია იმაზე, რის გაკეთებას შეძლებთ თავად და ამისთვის რა უნარებს ფლობთ.
თხის რქა
შესაძლოა, სამსახურის ან სამოქმედო მიმართულების შეცვლა შემოგთავაზონ. თამამად მოსინჯეთ საკუთარი ძალები და ისწავლეთ გამოცდილების მიღება, თუმცა, იმოქმედეთ კანონის შესაბამისად. არ გამოირიცხება მოწინააღმდეგეებიც გაიჩინოთ და თანამოაზრეებიც.
მერწყული
ნუ მიანდობთ თქვენი შვილების აღზრდას ბებიებსა და ბაბუებს. ბავშვების მოვლით თავად დაკავდით. შესაძლოა, ახალი პედაგოგიური ნიჭი აღმოგაჩნდეთ, უბრალოდ, ამ ნიჭის დანახვა უნდა შეძლოთ.
თევზები
დაღლილობის, ძილიანობისა და ტონუსის ვარდნის შეგრძნება დაგეუფლებათ. შეეცადეთ, ხვალ თავი აარიდოთ საპასუხისმგებლო საქმეების შესრულებას და მნიშვნელოვან დოკუმენტებზე მუშაობას. ვარსკვლავები გირჩევენ, საქმიანი შეხვედრები რამდენიმე დღით გადადოთ. გადაწყვიტეთ პრობლემები ტრადიციული გზით. სასურველია, ეს დღე სიმშვიდესა და მარტოობაში გაატაროთ.
