ვერძი
საოჯახო და სამსახურებრივ საქმეებში ვარსკვლავები სირთულეებს არ გიწინასწარმეტყველებენ. შეეცადეთ, საყვარელ საქმეს უფრო მეტი დრო დაუთმოთ. თუკი სამოგზაუროდ წასვლას გადაწყვეტთ, საინტერესო ადამიანს გაიცნობთ და ეს ნაცნობობა, შესაძლოა, რომანტიკულ ურთიერთობაში გადაიზარდოს.
კურო
ამ დღეს არჩევანის გაკეთება მოგიწევთ - მობეზრებული სასიყვარულო ურთიერთობის გაწყვეტა თუ მისი გამრავალფეროვნება? ვარსკვლავები გირჩევენ, უპირატესობა მეორე ვარიანტს მიანიჭოთ.
ტყუპები
ამ დღეს მთელი ძალისხმევით გამოავლენთ თქვენს შინაგან პოტენციალს. ვარსკვლავები გირჩევენ, სამყარო დაინახოთ ისე, როგორც მას სხვები ხედავენ და ამ სამყაროში თავდაჯერებულად შეაბიჯოთ.
კირჩხიბი
ვარსკვლავები გირჩევენ, მოერიდოთ ბასრ და მჩხვლეტელ ნივთებს. გაუფრთხილდით გულსა და ხერხემალს. შეგიძლიათ, დატვირთვა გაზარდოთ, თუმცა სპორტის ექსტრემალურ სახეობებს მაინც მოარიდეთ თავი.
ლომი
ეს დღე შესანიშნავია მნიშვნელოვანი გადაწყვეტილებების მისაღებად, ბიზნესის დასაგეგმად და ფინანსური ოპერაციების შესასრულებლად. საკუთარი თავის რწმენა პირად ცხოვრებაში დაგეხმარებათ. ვარსკვლავები გკარნახობენ, რომ ახლა კარგი დროა სიყვარულის ახსნისა თუ ქორწინებისთვის.
ქალწული
შესაძლოა, ამ დღეს ქრონიკულმა დაავადებებმა შეგახსენოთ თავი. არ გამოირიცხება, ფილტვებსა თუ ბრონქებთან დაკავშირებული პრობლემების გამო საავადმყოფოში მოხვდეთ. ვარსკვლავები გირჩევენ, შეინარჩუნოთ სიმშვიდე, წინააღმდეგ შემთხვევაში, ჯანმრთელობასთან დაკავშირებულ პრობლემებს ვერ ასცდებით.
სასწორი
ვარსკვლავები გირჩევენ, ამ დღეს ახლობელი ადამიანები შემოიკრიბოთ გარშემო. ნუ გაბრაზდებით, თუკი თქვენი ნათესავები თქვენს პირად ცხოვრებაში ჩაერევიან. თუკი მსგავსი პრობლემა შეგაწუხებთ, გადააბარეთ ის მეუღლეს, რომელიც ამ დავალებას შესანიშნავად გაუძღვება.
მორიელი
მოერიდეთ კონფლიქტებს ოჯახის წევრებთან უძრავ ქონებასთან დაკავშირებით. თქვენსა და თქვენს საყვარელ ადამიანს შორის ძალიან სერიოზული საუბარი შედგება, რომელიც ურთიერთობის ახალ ეტაპზე გადაგიყვანთ.
მშვილდოსანი
როგორც იქნა, იღბალი თქვენკენაც შემობრუნდა. შესაბამისად, ოჯახური ცხოვრება დაგილაგდებათ და სტაბილურ ფაზაში შევა. ვარსკვლავები გირჩევენ, საკუთარ ჯანმრთელობას უფრო მეტი დრო და ყურადღება დაუთმოთ.
თხის რქა
თუკი ამ დღეს სასიყვარულო ურთიერთობას დაიწყებთ, ეს ურთიერთობა დიდხანს გასტანს. ხოლო თუკი ახალ მეგობარს გაიჩენთ, ის აუცილებლად დაგეხმარებათ პირადი საქმეების მოგვარებაში. ვარსკვლავები არ გირჩევენ შეთანხმების დარღვევას. ამიტომ, ნუ ისაუბრებთ ზედმეტად და ტყუილად დაპირებებს ნურავის მისცემთ.
მერწყული
ვარსკვლავები გირჩევენ, შეიმუშაოთ ზუსტი მიზნები და ასევე, ზუსტი გეგმები მათი რეალიზებისთვის. ნუ გაგიკვირდებათ, თუკი ეს გეგმები დროთა განმავლობაში შეიცვლება და მათი რეალიზების ვადები გადაიწევს. მთავარია, ხელი არ ჩაიქნიოთ და თავდაჯერებულმა განაგრძოთ სვლა საბოლოო შედეგის მისაღებად.
თევზები
შესაძლოა, ამ დღეს შრომისუნარიანობა დაკარგოთ და დროის უმეტესი ნაწილი სახლში გაატაროთ. სოციალური აქტივობის შესაძლებლობა არ მოგეცემათ. თუკი თავს შეუძლოდ იგრძნობთ, შეიქმენით მშვიდი გარემო - ეს ძალების აღდგენაში დაგეხმარებათ.