ვერძი
შესაძლოა, ამ დღემ თქვენი სისწრაფე და მოხერხებულობა გამოსცადოს. შესაძლოა, ახალმა პერსპექტივებმა ძველ და მობეზრებულ გზაზე უარი გათქმევინოთ. ეს პროცესი როგორც თქვენთვის, ისე თქვენი პარტნიორებისთვის მტკივნეული იქნება. გაითვალისწინეთ, რომ, თუ ახალ პირობებთან შეგუება გაგიჭირდათ, დროის მოთხოვნებს ჩემორჩებით.
კურო
ამ დღეს ძალიან ადვილია თქვენი წყობილებიდან გამოყვანა. სასურველია, დისკუსიის დროს სიმშვიდე შეინარჩუნოთ, თანამოსაუბრეს ყურადღებით უსმინოთ და პიროვნული შეურაცხყოფა არ მიაყენოთ.
ტყუპები
ბოლო დროს იღბალი თქვენს მხარესაა, მაგრამ შეიძლება თვის ბოლო კვირაში გიღალატოთ. დღეს დიდი ფსონების დადებას არ გირჩევთ. შეიძლება ის ვერ მიიღოთ, რისი იმედიც გაქვთ.
კირჩხიბი
გამორიცხული არაა, რომ ფირმის მართვასა თუ თანამშრომლების განწყობების ხედვაში თითქმის მისტიკური უნარი გამოიჩინოთ. მოგიწევთ, თქვენ გვერდით მცხოვრებ თუ მომუშავე ადამიანებზე პასუხისმგებლობა საკუთარ თავზე აიღოთ.
ლომი
ამ დღეს წინდახედულობით, მომჭირნეობითა და ენერგიულობით გამოირჩევით. სასიყვარულო ურთიერთობები შეიძლება ჩიხში შევიდეს. გირჩევთ, საყოფაცხოვრებო პრობლემებს მიხედოთ, ავტომობილი გაარემონტოთ და წვრილმანი პრობლემები მოაგვაროთ. შეინარჩუნეთ ემოციური წონასწორობა.
ქალწული
შესანიშნავი დღეა საკუთარი პოტენციალის სრულად გამოსავლენად. ბევრი ქალწული მოახერხებს საკუთარი პრაქტიკული უნარებისა და გამოცდილების გამოყენებას კონკრეტული ცხოვრებისეული თუ პროფესიული პრობლემების გადასაჭრელად. იპოვეთ შესაფერისი ადგილი, სადაც სხვა ადამიანებთან ეფექტურად მუშაობას შეძლებთ.
სასწორი
უამრავი სიურპრიზი გელით. ქალებმა შესაძლოა, საჩუქრად ვერცხლისგან დამზადებული სამკაულები ან სუნამო მიიღონ. შესთავაზეთ რჩეულს სპეციალური პროგრამა და ინიციატივა საკუთარ ხელში აიღეთ.
მორიელი
კარგი დღეა სიყვარულის ახსნის, ნიშნობისა და ქორწინებისთვის. თამამად გამოუტყდით გრძნობებში და ხელი შესთავაზეთ. ხშირად უთხარით ახლობელ ადამიანებს თბილი სიტყვები, რომ თქვენს გრძნობებში ეჭვი არასოდეს შეეპაროთ.
მშვილდოსანი
სექტემბრის ბოლო შესაფერისი დროა შეხვედრების, ჩანაფიქრის განხორციელებისა და ბინის კეთილმოწყობისთვის. ასევე, კარგია მიწასთან ურთიერთობა და სასოფლო-სამეურნეო სამუშაოები. დაიცავით საკუთარი პრინციპები და უკან არ დაიხიოთ, თუ ფიქრობთ, რომ მართალი ხართ.
თხის რქა
სექტემბრის ბოლო დღეებში მიზანსწრაფულად მიდიხართ კარიერული წინსვლისკენ. დღის მეორე ნახევარში მოსალოდნელია შეხვედრა, რომელიც მთელ თქვენს მომავალს განსაზღვრავს. დაკავდით ადმინისტრაციული საქმეებით და იპოვეთ საკუთარი თავი ფინანსურ სფეროში.
მერწყული
ამ დღეს შესაძლოა, ფსიქოლოგიით, ასტროლოგიით, სოციოლოგიით ან კომპიუტერული ტექნოლოგიებით დაინტერესდეთ. თქვენთვის ყველაზე მთავარი ხელოვნებაში თავისუფლება და თვითგამოხატვა გახლავთ. წინასწარ შედგენილი გეგმით მუშაობა მხოლოდ გაღიზიანებთ.
თევზები
მშვენიერი დროა სამომავლო გეგმების შედგენისა და თანამოაზრეების წრეში საკუთარი იდეების დაცვისთვის. შეინარჩუნეთ მეგობრული კავშირები მფარველებთან და სპონსორებთან. ეს კიდევ დიდხანს დაგჭირდებათ.
