გიორგი ისაკაძე: „არ ვტყდები, მიუხედავად ბევრი იმედგაცრუებისა“

ზეპირი ანკეტა

9 აპრილი 20:00, 2018 წელი

გიორგი კეკელიძესთან პრუსტის კითხვარს პასუხობენ საქართველოს მოქალაქეები, მიუხედავად მათი წარსულისა, აწმყოსი და მომავლისა, მიუხედავად პოლიტიკური და სხვა, მსგავსი თუ არამსგავსი, შეხედულებებისა, პროფესიისა, ნიჭისა თუ... დღევანდელი სტუმარია BMG-ის დამფუძნებელი, Forbes-ის მთავარი რედაქტორი გიორგი ისაკაძე.

- რა არის თქვენთვის სრულყოფილი ბედნიერება?
- გარშემომყოფთა ჯანმრთელობა. არა მგონია, ეს ასაკის ბრალი იყოს. ბოლო დროს, რომ ვუფიქრდები, თუ არსებობს სრულყოფილი ბედნიერება, ეს მაინც ადამიანების ჯანმრთელობაა. ყველაფერი დანარჩენისთვის, როგორც ერთ, უბერებელ რეკლამაშია: არსებობს VISA ბარათი. ვიღაცისთვის - MasterCard.


- ბოლოს როდის გაიცინეთ?
- აი, ახლა, როდესაც ხელი ჩამოგართვით და მოგესალმეთ.


- ბოლოს როდის იტირეთ?
- ორ თვე-ნახევრის წინ. ბიცოლა გარდამეცვალა, მარინა ფრანგიშვილი.


- თქვენი ხასიათის მთავარი შტრიხი?
- ძალიან მიჭირს საკუთარ თავზე საუბარი და ასეთ კითხვებზე პასუხის გაცემა. მიზანდასახულობას აღნიშნავენ ხოლმე და, თუ ქედმაღლობაში არ ჩამეთვლება, დავტოვებ ამ პასუხს.


- ყველაზე დიდი ნაკლი?
- სიფიცხე. მიუხედავად იმისა, რომ რაღაც დონეზე ჩემი დევიზია: „იჩქარე ნელა“, ეტყობა, რაღაც მომენტში მუხრუჭები არ მყოფნის.


- ყველაზე მეტად რომელ ისტორიულ ფიგურასთან აიგივებთ თავს?
- მიუხედავად იმისა, რომ ბოლო 2-3 წელიწადია, რატომ არ ვიცი, მაგრამ გადართული ვარ რუზველტისა და ჩერჩილის ფიგურებზე, არც ერთ შემთხვევაში არ ვაიგივებ საკუთარ თავს მათთან, თუმცა, ძალიან ბევრ თვისებებში მაქვს მათზე სწორება. მათ შორის, სახასიათოშიც. რომ გადმომეცეს, უარს არ ვიტყოდი.


- ვინ არიან თქვენი გმირები დღეს?
- თანამედროვეობიდან ჩემი გმირია ჯეფ ბეზოსი, „ამაზონის“ დამფუძნებელი.


- თქვენი მხატვრული გმირები
- მუდმივად ცვალებადია. დღეს შეიძლება, ჩემი შვილებიდან გამომდინარე, ეს იყოს ბეტმენი, სუპერმენი, ქართული ზღაპრების გმირები, თუკი ასეთებს მოვიფიქრებ. ხვალ, Forbes-ის გამოცემის ან გადაცემის მომზადებიდან გამომდინარე, ეს შეიძლება იყოს ახალგაზრდა ქართველი, რომელიც საოცრებებს აკეთებდა ან აკეთებს. ანუ იმდენად რუტინაში ვარ, რომ მუდმივი მხატვრული გმირი არ მყავს. ეს სამწუხარო რეალობაა.


- ყველაზე შთამბეჭდავი მოგზაურობა?
- ვფიქრობ, რომ შთამბეჭდავი მოგზაურობა წინ მაქვს, თუმცა წარსული მოგზაურობებიდან მაინც გავიხსენებდი იაპონიას, ტოკიო-ოსაკაში ყოფნას.


- თვისება, რომელსაც უპირატესობას ანიჭებთ მამაკაცში?
- პირუთვნელობა.


- ქალში?
- იგივე. თვისებების შესახებ კითხვაზე პასუხის გაცემისას სქესით დაყოფა უადგილო მეჩვენება. უბრალოდ, ვისურვებდი, ქალბატონები მეტად და საქმიანად აქტიურები ვიხილო სოციალური ქსელების მიღმა.


- საყვარელი მწერლები?
- ვაჟა-ფშაველა, ჯონ სტეინბეკი, აკა მორჩილაძე.


- საყვარელი კომპოზიტორი?
- გია ყანჩელი, ენიო მორიკონე და იოჰან შტრაუსი (უმცროსი), ანუ ვალსების მეფე.


- ფილმი?
- დევიდ დობკინის ფილმი „მოსამართლე“. 3-4 წლის წინანდელი ფილმია, რობერტ დაუნი უმცროსის და რობერტ დიუვალის ფანტასტიკური დუეტით. რამდენჯერმე მივუბრუნდი ამ ფილმს. მიუხედავად იმისა, რომ ბოლო დროს ოსკარებს არ ვწყალობ, ამ ფილმმა ჩემზე წარუშლელი შთაბეჭდილება დატოვა.


- რას მიიჩნევთ თქვენს ყველაზე დიდ მიღწევად?
- იმას, რომ არ ვტყდები, მიუხედავად ბევრი იმედგაცრუებისა, წარსულში დეპრესიებისა, წაქცევისა.


- რა არის თქვენთვის ყველაზე ძვირფასი?
- დრო - ის მრჩება მუდმივ გამოწვევად და ალბათ, ასეც იქნება ყოველთვის.


- თარიღი, რომელსაც თქვენი ცხოვრებიდან გამოტოვებდით?
- კი, არსებობს. ეს იყო 2009-2010 წლები, როდესაც 7-8 თვის განმავლობაში მომიწია Georgian Media Production Group-ის ხელმძღვანელობა. ეს არის ჰოლდინგი, რომელშიც შედიოდა ტელეკომპანია „იმედი“, რადიოიმედი და სხვ. ამ ჰოლდინგის დირექტორობაზე თანმხობა ჩემს მძიმე შეცდომად მიმაჩნია, რომელსაც გამოვტოვებდი და ჩემი ცხოვრების ამ შვიდ-რვა თვეს სიამოვნებით „მონტაჟსაც” გავუკეთებდი.


- რა არის თქვენთვის სამშობლო?  
- მუდმივი ვალდებულება.


- რისი გეშინიათ ყველაზე მეტად?
- უსუსურობის.


- როგორ ისურვებდით სიკვდილს?
- შეწუხების გარეშე - გარშემომყოფებისა და საკუთარი თავისაც.


- თუკი ოდესმე ღმერთს შეხვდებოდით, რას ისურვებდით, რომ თქვენთვის ეთქვა?
- იდეალური იქნებოდა, თუ ბოლომდე გამიმართლებს და მეტყვის: გიორგი, ესა და ეს იყო შენი უმძიმესი შეცდომები, მოგეტევება და გაძლევ შანსს, რომ ეს ამბავი იქ დარჩენილებს გააგებინო.


 


 

ფოტოგრაფი: ალექსანდრე სხულუხია
დღის ჰოროსკოპი

26 ოქტომბრის ასტროლოგიური პროგნოზი

რას გვირჩევენ ვარსკვლავები 26 ოქტომბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

25 ოქტომბრის ასტროლოგიური პროგნოზი

რას გვირჩევენ ვარსკვლავები 25 ოქტომბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

24 ოქტომბრის ასტროლოგიური პროგნოზი

რას გვირჩევენ ვარსკვლავები 24 ოქტომბრისთვის ჯანმრთელობის, ბიზნესის და სიყვარულის მიმართულებით?
NEW

„ვენდი” მიტანის, Pick Up და Drive-Thru სერვისით მომხმარებელს 24/7-ზე ემსახურება

„ვენდის” რესტორნების ქსელი სამთავრობო დადგენილების შესაბამისად რესტორნებში სტუმრებს ყოველდღიურად 22:00 საათამდე ემსახურება, თუმცა ამერიკული რესტორნების უგემრიელესი მენიუს დაგემოვნება ერთგულ მომხმარებელს მიტანის, Pick Up და Drive-Thru სერვისით 24/7-ზე შეუძლიათ.
NEW

დიდი ფასდაკლება „გრანდ ელექტრონიქსში“ ზამთრის სეზონის მოახლოებასთან დაკავშირებით

ტექნიკის მაღაზიათა ქსელ „გრანდ ელექტრონიქსის“ ამ კვირის პარასკევის აქციის პროდუქტები უკვე ცნობილია - 23 ოქტომბრიდან 25 ოქტომბრის ჩათვლით ფასდაკლება „გრანდ ელექტრონიქსში“ ზამთრის სეზონის დადგომას მიეძღვნება და გამათბობლებზე გავრცელდება.
თემატური ჰოროსკოპი

როგორ დამთავრდება 2020 წელი ზოდიაქოს თითოეული ნიშნისთვის?

2020 წელი საკმაოდ რთული გამოდგა, ამიტომ არც იქნება გასაკვრი, თუკი ბევრს უკვე გვაინტერესებს, ბოლოს და ბოლოს, როგორ დასრულდება ის. წაიკითხეთ ასტროლოგიური პროგოზი, თუ რა ელოდება ზოდიაქოს თითოეულ ნიშანს ამ წლის ბოლო თვეებში.  
დღის ჰოროსკოპი

23 ოქტომბრის ასტროლოგიური პროგნოზი

რას გვირჩევენ ვარსკვლავები 23 ოქტომბრისთვის ჯანმრთელობის, ბიზნესის და სიყვარულის მიმართულებით?
NEW

როგორ გავთბეთ ზამთარში - „გრანდ ელექტრონიქსი“ გირჩევთ

ზამთარი გვიახლოვდება – რასაც არ უნდა ნიშნავდეს ეს ფრაზა თქვენთვის, ერთი რამ ცხადია: ოქტომბრის ბოლოდან ჩვენი უმრავლესობა ნელ-ნელა ემზადება საზამთროდ: საბოლოოდ ინახავს ზაფხულის ტანსაცმელს და იმარაგებს ზამთრის სამოსს; ოქტომბრის ცივ საღამოებს ნებდება, თხელი პლედის ნაცვლად სქელ, ღუნღულა საბანზე გადადის და, რაც მთავარია, ყურადღებით არჩევს გამათბობელს.
იცით თუ არა...

როგორ შეაღწია საბჭოთა კავშირში ფრანგულმა სუნამომ?

ვისაც საბჭოთა ეპოქაში მოუწია ცხოვრება, კარგად ახსოვს, რას ნიშნავს დეფიციტი და იმპორტული საქონლის დახლქვეშ შეძენა. ერთ-ერთი ასეთი „დახლქვეშა სიამოვნება“ გახლდათ ფრანგული სუნამო Climat Lancome, რომლის ერთი წვეთის პკურება თავს დედოფლად გაგრძნობინებდათ...
დღის ჰოროსკოპი

22 ოქტომბრის ასტროლოგიური პროგნოზი

რას გვირჩევენ ვარსკვლავები 22 ოქტომბრისთვის ჯანმრთელობის, ბიზნესის და სიყვარულის მიმართულებით?
NEW

ფასდაკლებების სერია „გრანდ ელექტრონიქსისგან“, რომელიც არ უნდა გამოტოვო!

თუკი ტექნიკის შეძენას გეგმავდით, აუცილებლად მოინიშნეთ თარიღიც: 19-დან 31 ოქტომბრის ჩათვლით ტექნიკის მაღაზიათა ქსელ „გრანდ ელექტრონიქსს“ თავისი მომხმარებლისათვის სასიამოვნო სიურპრიზი აქვს - „გრანდ ელექტრონიქსის“ საბურთალოს „სითი მოლის“ ფილიალში ოქტომბრის ბოლომდე ტექნიკაზე განსაკუთრებული ფასები დაგხვდებათ!
დღის ჰოროსკოპი

21 ოქტომბრის ასტროლოგიური პროგნოზი

რას გვირჩევენ ვარსკვლავები 21 ოქტომბრისთვის ჯანმრთელობის, ბიზნესის და სიყვარულის მიმართულებით?