- რა არის თქვენთვის სრულყოფილი ბედნიერება?
- როდესაც ის მოგეცემა, რაც იმ წამს გინდა.
- ბოლოს როდის გაიცინეთ?
- ხუთი წუთის წინ.
- ბოლოს როდის იტირეთ?
- როდის ვიტირე? არ მახსოვს.
- თქვენი ხასიათის მთავარი შტრიხი
- სიხისტე.
- ყველაზე დიდი ნაკლი
- სისასტიკე.
- ყველაზე მეტად რომელ ისტორიულ ფიგურასთან აიგივებთ თავს?
- პინოჩეტთან.
- ვინ არიან თქვენი გმირები დღეს?
- ჩემი იმდენი გმირი მყავს მისახედი... (იცინის). ჩემი მიკროსამყაროს გმირები მყავს.
- თქვენი მხატვრული გმირები...
- იოჰან ნაგელი, ჰანს კასტორპი, ურსულა ბუენდია, ეს ვინც პირველები გამახსენდნენ.
- ყველაზე შთამბეჭდავი მოგზაურობა
- იმედი მაქვს, რომ ჯერ წინაა... წარმოსახვით ყველგან შეიძლება მოგზაურობა, მაგრამ ახლა პორტუგალიაში მივდივარ და იმედია, დიდ შთაბეჭდილებას ამ მოგზაურობიდანაც მივიღებ.
- თვისება, რომელსაც უპირატესობას ანიჭებთ მამაკაცში...
- ტვინის სიმძლავრე და თვალსაწიერის სიფართოვე.
- ქალში?
- იგივე, ქალშიც და კაცშიც.
- საყვარელი მწერლები....
- ყველა მიყვარს, ვინც კარგად წერს. მართლა!
- საყვარელი კომპოზიტორი...
- ბახი.
- ფილმი?
- ფილმი ძალიან რთულია... ჰიჩკოკის ყველა ფილმი მიყვარს.
- რას მიიჩნევთ თქვენს ყველაზე დიდ მიღწევად?
- ჯერჯერობით ეგეთი მიღწევები არ მაქვს.
- რა არის თქვენთვის ყველაზე ძვირფასი?
- ჩემი და ჩემთვის ძვირფასი ადამიანების სიცოცხლე.
- რას აკეთებთ მაშინ, როცა არ წერთ?
- ვფიქრობ და ვცხოვრობ.
- რისი გეშინიათ ყველაზე მეტად?
- სიკვდილის.
- როგორ ისურვებდით სიკვდილს?
- მაგაზე ხშირად მიფიქრია და მინდა, ეს მოხდეს მაშინ, როდესაც ამის სურვილი მე თვითონ მაქვს. დეპრესიის, ფრუსტრაციის დროს, როცა ცხოვრებას აზრი არ აქვს.
- თუკი ოდესმე შეხვდებოდით ღმერთს, რას ისურვებდით, რომ თქვენთვის ეთქვა?
- რა კარგი გოგო ხარ!