თუ თმას შუაზე იყოფთ...
ანგარებიანი სიყვარული იცით. ადამიანისგან სანაცვლოდ რაიმეს ყოველთვის მოელით. მაგალითად, საჩუქრებს, მატერიალურ დახმარებას, გაორმაგებულ სითბოს, მზრუნველობასა და ყურადღებას. როცა საქმე პარტნიორთან ურთიერთობაზე მიდგება, საკუთარ თავს ეკითხებით: „რა მიზეზით უნდა ვიყო ამ კაცის/ქალის გვერდით? რას მოვიგებ?“ გირჩევთ, რომ სიყვარული ბიზნესს არ დაამსგავსოთ.
თუ თმას გვერდზე იყოფთ...
პირდაპირობასა და უხეშობას შორის ოქროს შუალედის პოვნა გიჭირთ. ხშირად თქვენს აზრს საკმაოდ ხისტად აფიქსირებთ, ამიტომ ადამიანებს უხერხულ სიტუაციაში აყენებთ, ან გულს სტკენთ. რადიკალური ხართ, რაც გარშემომყოფების თვალში ჯიუტს გაჩენთ. თქვენთან კამათს ერიდებიან. მოქმედ ვულკანს ჰგავხართ, რომელიც ნებისმიერ დროს შეიძლება ამოიფრქვას. იმპულსურობა და გადამეტებული ემოციურობა გახასიათებთ.
თუ თმას არ იყოფთ...
გულის სიღრმეში ადამიანებს არ ენდობით, იმედგაცრუებისა და ტკივილის გეშინიათ, ამიტომ მათ გაურბიხართ. მარტოობა არ გაბედნიერებთ, მაგრამ შედარებით კომფორტულ ზონაში ხართ. თუ ამ ტემპით გააგრძელებთ, შეიძლება სოციოპათია დაგემართოთ. ეს ფსიქოლოგიური გადახრაა, რომელსაც მედიკამენტური მკურნალობა სჭირდება. სასიყვარულო ურთიერთობებს დიდხანს ვერ ინარჩუნებთ, იმიტომ რომ თქვენ გარშემო გადაულახავ ბარიერს აშენებთ. პარტნიორი ჯერ ცდილობს, როგორმე მოგიახლოვდეთ, გაგხსნათ და ემოციების გაზიარება გასწავლოთ, შემდეგ კი ფიქრობს, რომ, უბრალოდ, არ გიყვართ და ნებდება.