თუ მრგვალია...
ოპტიმისტი ხართ. ფიქრობთ, რომ ნებისმიერი სიტუაციიდან არსებობს გამოსავალი. ეს დამოკიდებულება პრობლემებთან ბრძოლისას თქვენი უძლიერესი იარაღია! ოჯახის წევრებთან კარგი ურთიერთობა გაქვთ. კომუნიკაბელური ხართ და ადვილად იჩენთ მეგობრებს. ახლობლებთან დახმარების სათხოვნელად მისვლა არ გერიდებათ. ფულს ადვილად შოულობთ.
თუ დიდი და ჩაღრმავებულია...
ბრძენი და გულუხვი ხართ. ახალგაზრდობისას წარუმატებლობა გდევთ, მაგრამ 40 წლის მერე ყველაფერი რადიკალურად შეიცვლება. გამდიდრდებით, სახელს გაითქვამთ, თითქმის ყველა გეგმას განახორციელებთ.
თუ პატარაა...
სუსტი ხართ, სტრესი განგრევთ, უმცირესი წინააღმდეგობაც კი გაშინებთ და გაქცევის სურვილს გიჩენთ.
თუ გამოკვეთილი და თვალშისაცემია...
ყურადღების ცენტრში ყოფნა გიყვართ. ცდილობთ, ადამიანებს ასიამოვნოთ, ამიტომ ხშირად გიყენებენ და გულს გტკენენ. ადვილია თქვენზე ზემოქმედება, რის გამოც ხშირად გეცვლებათ გემოვნება და ინტერესები.
თუ წვრილი და ღრმაა...
მას იდეალურ ჭიპს ეძახიან. მხიარული და ენერგიული ხართ, ცდილობთ, ყველა ადამიანს თავისი გასაღები მოუძებნოთ, სწრაფად ახერხებთ ადაპტაციას, შრომა არ გეზარებათ, ამიტომ წარმატებას ახალგაზრდობაშივე მიაღწევთ.
თუ ოვალურია...
ზედმეტად ბევრს ფიქრობთ ნაბიჯის გადადგმამდე, ამიტომ მოცემულ შესაძლებლობებს ვერ იყენებთ. რისკზე წასვლა ყოველთვის გეშინიათ. ძალიან თვითკრიტიკული ხართ, ამიტომ საკუთარ თავს არ ენდობით. გგონიათ, რომ სირთულეებს თავს ვერ გაართმევთ.
თუ ფართოა...
ადამიანებს ეჭვის თვალით უყურებთ. მათი სიტყვების მიღმა ქვეტექსტებს ეძებთ. ხშირად დაძაბული ხართ, რამაც შეიძლება ნევროზამდე მიგიყვანოთ. გგონიათ, რომ ფილანტროპია და ქველმოქმედება ადამიანის მიერ შექმნილი ილუზიაა და სამყაროს ანგარება მართავს. გულის სიღრმეში მეგობრებისგან ღალატს ელოდებით და ამ დღისთვის შესაბამისი ფრაზაც კი გაქვთ მომზადებული: „შენც, ჩემო ბრუტუს?“
人- ფორმის...
თქვენი ცხოვრება სტაბილურად წარიმართება. ფინანსური ან ჯანმრთელობასთან დაკავშირებული პრობლემები დროებითი აღმოჩნდება. თქვენი ჭიპის მიხედვით, ბედნიერებისთვის ხართ შექმნილი!
