თუ თქვენი კისერი მოკლე და სქელია...
მიზანი საკმაოდ ახალგაზრდამ იპოვეთ. თუ თავში რაიმე ორიგინალური იდეა მოგივათ, მომენტალურად მის განხორციელებას იწყებთ. ლოდინი არ გიყვართ. არასდროს გაუყვებით სხვის გაკვალულ ბილიკს. ენთუზიაზმით სავსე ხართ, სწორედ ეს არის თქვენი წარმატების გასაღები. თქვენი აზრით, სამყარო ადამიანს უამრავ თავგადასავალს სთავაზობს, მთავარია, სიახლეების არ შეგეშინდეთ. აუცილებლად შეხვდებით თქვენს ნამდვილ სიყვარულს და მასთან ერთად ბედნიერად იცხოვრებთ.
თუ თქვენი კისერი გრძელი და გამხდარია...
ფიზიკურად სუსტი ადამიანის შთაბეჭდილებას ტოვებთ, მაგრამ სინამდვილეში სულიერად მებრძოლი და ძალიან ძლიერი ხართ. თუ მიზანს დაისახავთ, თქვენი გაჩერება შეუძლებელია! ამის გამო ხშირად ჯიუტსაც გეძახიან. დიდ ყურადღებას აქცევთ ადამიანის შინაგან სამყაროს. ძალიან ემოციური ხართ, რაც ხშირად ხელს გიშლით. მეორე მხრივ, თქვენი სენსიტიურობით ხელოვნების ნებისმიერ სფეროში დიდ წარმატებას შეგიძლიათ მიაღწიოთ. განსაკუთრებით: მუსიკაში, მხატვრობასა და ლიტერატურაში. ბევრს ფიქრობთ, მაგრამ ცოტას ლაპარაკობთ. ძალიან რომანტიკული ხართ. პრაქტიკულ სამყაროში შესაფერისი პარტნიორის პოვნა გიჭირთ, მაგრამ თუ მოითმენთ, პირად ცხოვრებას აუცილებლად აიწყობთ.
თუ თქვენი კისერი გრძელი და სქელია...
სიცოცხლეზე უზომოდ ხართ შეყვარებული! გადაწყვეტილების მიღებამდე ძალიან ფრთხილობთ. შეცდომების დაშვების გეშინიათ. გახსოვდეთ, რომ შეცდომების ხარჯზე იზრდებით და იხვეწებით. კარგად განვითარებული ინტელექტი გაქვთ. ტოლერანტი ხართ, ამიტომ ნებისმიერ სიტუაციაში დიპლომატიურ გამოსავალს პოულობთ. ადამიანებს კარგად ეწყობით და არაკონფლიქტური ბრძანდებით, ამიტომ საზოგადოებაში პოპულარობით სარგებლობთ.