სიახლოვის მიხედვით...
თუ თქვენი წარბები ერთმანეთისგან ბუნებრივად დაშორებულია, მერყევი ხართ, ამიტომ ადამიანების გავლენის ქვეშ მარტივად ექცევით. გახსოვდეთ, რომ ადამიანები თქვენსავით კეთილები და პატიოსნები არ არიან, ამიტომ თქვენი არამდგრადი ხასიათის სათავისოდ გამოყენება შეუძლიათ. მოწოდებით ქველმოქმედი ხართ და სხვების დახმარება სიამოვნებს განიჭებთ.
თუ წარბები ერთმანეთთან ახლოსაა, თანდაყოლილი ინტელექტი გაქვთ. მიუხედავად ამისა ხშირად ასაკისთვის შეუსაბამოდ (ან უმცროსივით, ან გაცილებით უფროსივით) იქცევით. თქვენი მომავალი ნაბიჯის გამოცნობა თითქმის შეუძლებელია. მეგობრებისთვის ნაწილობრივ ამოუცნობი პიროვნება ხართ. სულიერი სიმშვიდის მოპოვება გიჭირთ. ხშირად უმიზეზოდ ნერვიულობთ. მიდრეკილი ხართ ნევროზისკენ.
ფორმის მიხედვით...
თუ სწორი წარბი გაქვთ, თავდაჯერებული და ძლიერი ხართ. რთულ სიტუაციებში ლიდერის როლს ირგებთ.
თუ თქვენი წარბი ბოლოში შეტეხილია, მგრძნობიარე ხართ, ადამიანები ადვილად გტკენენ გულს. ხანდახან საკუთარ თავში იკეტებით და გარე სამყაროს გაურბიხართ.
თუ თქვენი წარბი მომრგვალებულია, კრეატიული ხართ და საინტერესო იდეები მოგდით. ხელოვნების რომელიმე დარგში მოღვაწეობთ. თქვენი ფანტაზია ხშირად ბოროტად გეთამაშებათ, ამიტომ მოვლენებს განსაკუთრებულად აღიქვამთ.
სისქის მიხედვით...
თუ თქვენი წარბი ხშირია, ძლიერი სექსუალური ენერგეტიკა გაქვთ. დაუვიწყარი პარტნიორი ხართ.
თუ თქვენი წარბი თხელია, კარგი მსმენელი და მრჩეველი ხართ. ახლობლებს ყოველთვის აქვთ თქვენი იმედი.
