როგორია თქვენი პროფილის სურათი?
თუ თქვენ მეგობრებთან ან ოჯახის წევრებთან ერთად გადაღებული ფოტო გიყენიათ, დამთვალიერებელზე ექსტრავერტის შთაბეჭდილებას ტოვებთ. მართლაც, ფსიქოლოგების შეხედულებით, ამ ადამიანებს ხალხთან ურთიერთობა მოსწონთ. ერთობიან საზოგადოებრივ ადგილებში (კინოში, კონცერტებზე, თეატრში, კაფე-ბარებში, რესტორნებში, კლუბებში.) ხალხის აზრით, თქვენი ცხოვრება სავსეა სიახლეებით. კვლევამ აჩვენა, რომ User-ებს, რომელთა პროფილზეც რამდენიმე ადამიანია გამოსახული, მოგზაურობა მოსწონთ, მაგრამ სახლში დაბრუნებაც დიდ სიამოვნებას ანიჭებთ.
თუ თქვენი პროფილის სურათი შავ-თეთრია, ხალზე იდუმალი პიროვნების შთაბეჭდილებას ტოვებთ. შეიძლება ითქვას, რომ ეს ხელოვნურად შექმნილი იმიჯი არ არის. თქვენს თვალებში მართლაც იმალება რაღაც ამოუცნობი. მუდმივად ძიებაში ხართ. გჭირდებათ აბსტრაქტული გრძნობების არსებობის დამამტკიცებელი საბუთები. სოციალური ქსელის საშუალებით ადამიანებს თქვენ შესახებ მრავალფეროვან ინფორმაციას არ აწვდით. იშვიათად „ჩექინდებით“ იმ ადგილას, სადაც იმყოფებით.
თუ ფოტოზე მარტო ხართ და სერიოზული სახე გაქვთ, ადამიანები ინტერესდებიან თქვენი პირადი ცხოვრებით: ხართ თუ არა თავისუფალი, სად მუშაობთ, სად ერთობით და ა.შ. კითხულობენ თქვენს სტატუსებს, უსმენენ თქვენ მიერ გაზიარებულ მუსიკას. მიზანდასახული, ძლიერი და საკუთარ თავში გარკვეული პიროვნების შთაბეჭდილებას ტოვებთ.
თუ ფოტოზე სექსუალურად გამოიყურებით, ხალხისთვის თქვენი ჩაცმულობა ან პოზა ერთგვარი სიგნალია. აუცილებლად მიიქცევთ ყურადღებას. ჩვეულებრივ, ამგვარ ფოტოებს ბევრი მოწოება უგროვდება. დაინტერესდებიან თქვენი სქესობრივი ცხოვრებით. არ გაგიკვირდეთ თუ საპირისპირო სქესის წარმომადგენლები „შებმას“ დაგიწყებენ.
თუ პროფილის სურათში იცინით, ადამიანებს ექმნებათ შთაბეჭდილება (და უმეტესწილად არც ცდებიან), რომ სიცოცხლითა და იუმორით სავსე ხართ. ცხოვრებისეულ პრობლემებს ხუმრობითა და ღიმილით უმკლავდებით, გყავთ ბევრი მეგობარი, გჯერათ წარმატებული მომავლის. ფსიქოლოგების აზრით, ამ User-ებს წვრილმანები აბედნიერებთ და მადლიერების გრძნობა კარგად აქვთ განვითარებული, იშვიათად ვარდებიან დეპრესიაში და არც ახლობლებთან მოსდით კონფლიქტი.