თუ თქვენ სწრაფად მიირთმევთ...
დროის მენეჯმენტის დიდოსტატი ხართ. თქვენი ყოველი წუთი გათვლილია. არასდროს აგვიანებთ შეხვედრებზე. ამბიციური და მებრძოლი ხართ, რაც ზოგჯერ გარშემომყოფებს აღიზიანებთ. გიყვართ პირველობა. ამ თვისებას სკოლის პერიოდიდან მოყოლებული ავლენთ. ალბათ მასწავლებლების საყვარელი მოსწავლე იყავით. საკუთარ თავზე ყოველთვის დიდ პასუხისმგებლობას იღებთ და მას წარმატებითაც ართმევთ თავს. გაითვალისწინეთ, რომ სწრაფად მჭამელები ადვილად სუქდებიან.
თუ თქვენ ნელა მიირთმევთ...
თქვენი ცხოვრების ყოველი წუთით ტკბებით. იშვიათად ხართ აფორიაქებული ან განერვიულებული. არასდროს ჩქარობთ გადაწყვეტილებების მიღებას. თავდაჯერებული ხართ. ხანდახან ენერგიის დეფიციტს უჩივით. ნელამჭამელებს კუჭ-ნაწლავის პრობლემები იშვიათად ექმნებათ.
თუ თქვენ „თავგადასავლების მაძიებელი“ ხართ...
თუ ამ ტიპის ადამიანი რესტორანში შევა, აუცილებლად იმ კერძს შეუკვეთავს, რომელიც ჯერ არ გაუსინჯავს. შინ კულინარიულ ექსპერიმენტებს ატარებს. ასეთ ხალხს რისკზე წასვლა და ცვლილებები მოსწონს. მოწოდებით მკვლევრები, რეფორმატორები, ინოვატორები და აღმომჩენები არიან. „თავგადასავლების მაძიებლებისთვის“ არ არსებობს კომფორტის ზონა, რომელშიც შეიძლება ჩარჩნენ.
თუ თქვენ „კენკავთ...“
ეს ადამიანები კერძის შერჩევისას განსაკუთრებით პრეტენზიულები არიან. ხშირად საჭმელიდან რომელიმე ინგრედიენტს იღებენ - მაგალითად, წვნიანის მირთმევის შემდეგ თეფშზე მოხარშულ ხახვსა და სტაფილოს ტოვებენ. ისინი ყოველთვის მცირე ულუფას გეახლებიან. პედანტები არიან, განსაკუთრებულ ყურადღებას აქცევენ ისეთ დეტალებს, როგორიცაა: სამზარეულოს სურნელი, ოფიციანტის / დიასახლისის წინსაფარი, ჭურჭელი, ხელსახოცი და ა.შ. მუდმივად შფოთავენ, ადვილია მათი გაბრაზება. მიდრეკილები არიან ავადმყოფობებისკენ.