თუ ერთიანი საცურაო კოსტუმი მოგწონთ...
ორგანიზებული ადამიანი ხართ, რომელიც ყოველთვის გონების ხმას მიჰყვება. თქვენთვის კარგ რუჯზე მნიშვნელოვანი ვიზუალია, გინდათ, რომ სანაპიროზე მიმზიდველად გამოიყურებოდეთ და საპირისპირო სქესის ყურადღება მიიქციოთ. მაშინაც კი, თუ უბრალოდ საბანაოთ გადიხართ, საგულდაგულოდ არჩევთ საცურაო კოსტუმს.
თუ თქვენი საცურაო კოსტუმი ხელნაკეთი ორნამენტებითაა გაფორმებული...
გართობის მოყვარული ხართ. თქვენთან ერთად ადამიანი ვერ მოიწყენს. სანამ დასასვენებლდ ხართ, აუცილებლად ისეირნებთ კატერით, პარაშუტით, დაჯდებით ე.წ. „ბანანზე“. თუ საშუალება გექნებათ, არც დაივინგზე იტყვით უარს. ითამაშებთ ფრენბურთს, ააშენებთ ქვიშის სასახლეს და შეაგროვებთ ლამაზ ქვებს ან ნიჟარებს. დიდ მნიშვნელობას ანიჭებთ მოდას. ყურადღებით აკვირდებით ახალ ტრენდებს, რათა სიახლე არ გამოგეპაროთ.
თუ თქვენი საცურაო კოსტუმი დაჭრილი ან ძალიან ამოღებულია...
არასდროს დაწვებით გასარუჯად სპეციალური ლოსიონის გარეშე. თქვენთვის მნიშვნელოვანია თანაბარი რუჯის მიღება, მზის გულზე წოლა საუკეთესო რელაქსად მიგაჩნიათ. ყოველთვის გემოვნებიანი საცურაო კოსტუმი გაცვიათ, ამიტომ შოპინგზე წასვლამდე მეგობრები რჩევას გეკითხებიან.
თუ თქვენი საცურაო კოსტუმი ყვავილებით არის გაწყობილი...
თქვენი ცხოვრება ვინტაჟის გარეშე წარმოუდგენელია. ზაფხული განსაკუთრებულად გიყვართ, რადგან ნაზი სარაფნების ჩაცმის საშუალება გეძლევათ. ახალგაზრდობაში სოფი ლორენი ასეთ „კუპალნიკებს“ ატარებდა. ხანდახან გგონიათ, რომ გარშემომყოფები სათანადოდ ვერ გაფასებენ.
თუ თქვენი კოსტუმი მეტალის ელემენტებითაა გაფორმებული...
არ გიყვართ მოვლენების დაგეგმვა. გირჩევნიათ, დინებას მიჰყვეთ. ხშირად ორიგინალური იდეები მოგდით თავში. შეიძლება, ერთ დღეს გრძელი საყურეებით გახვიდეთ სანაპიროზე ან რეტროს სტილის შლიაპა მოირგოთ. ქალებს თქვენი ექსტრავაგანტულობის შურთ, მამაკაცებს კი მაგნიტივით იზიდავთ. მათთვის ამოუცნობი ხართ და თქვენი ნაბიჯების განსაზღვრა უჭირთ.
თუ თქვენი საცურაო კოსტუმი ელექტრიკი ფერისაა...
დიდ მნიშვნელობას არ ანიჭებთ საცურაო კოსტუმებს. თქვენთვის მთავარი კომფორტია. სპორტული და აქტიური ხართ. არ გიყვარ შავი ფერი და მოსაწყენი ხალხი. საღამოებს კლუბებსა და ბარებში ატარებთ.
