პირველი თეფში
კარგი მზარეული ხართ, ყურადღების ცენტრში ყოფნა გიყვართ და სიამოვნებით ისმენთ თქვენი მიმართულებით ნათქვამ კომპლიმენტებს: „ვინ მოამზადა ეს უგემრიელესი წვნიანი?“ „ღმერთო, რა ლამაზი სალათაა!“ თქვენი ნამუშევრის დაჩრდილვის უფლებას ჭურჭელს არასდროს მისცემთ. პლუს, გული იშვიათად გწყდებათ, როცა ნასვამ სტუმრებს თქვენი თებშები ხელიდან უცვივათ.
მეორე თეფში
როგორც კოკო შანელი იტყოდა, ქალს ყველაფერი გემოვებიანი და ზღაპრული უნდა ჰქონდეს! სწორედ ამიტომ არჩევთ ორნამენტებიან თეფშებს. თქვენი აზრით, ყველა მოდური ქალი მდიდრულ ჭურჭელს იმსახურებს. ყელაფერს თავი რომ დავანებოთ, ეს ხომ პრესტიჟის საკითხია? თქვენთვის მხოლოდ დღესასწაულები კი არა, ყოველი დღე თანაბრად მნიშვნელოვანია!
მესამე თეფში
ბედნიერი ადამიანი ხართ, რომელსაც წყენა გულთან ახლოს არასდროს მიაქვს. ყოველთვის თქვენს მაქსიმუმს აკეთებთ. იშვიათად გძლევთ სიზარმაცე. ფიქრობთ, რომ მთელი დღე წარმატებულად ჩაივლის, თუ დილით გემრიელად ისაუზმებთ.
მეოთხე თეფში
თქვენში ჯერ კიდევ პატარა გოგონა ცხოვრობს, რომელსაც სჯერა, რომ პრინცესაა. გაიხსენეთ ინგლისელების ჩაის სმის ტრადიცია... სწორედ მას ამსგავსებთ (ან ცდილობთ, დაამსგავსოთ) თქვენს ყოველდღიურობას.
მეხუთე თეფში
გიზიდავთ ვინტაჟი და ანტიკვარიატი. დაინტერესებული ხართ ისტორიით, თქვენთვის უდიდესი სიამოვნებაა ძველი ფილმების ყურება და კლასიკის კითხვა. თქვენი სახლი სავსეა საოჯახო ფოტოებითა და ალბომებით, რომლებიც ბედნიერ მომენტებს გახსენებთ.