თუ თქვენი სარკე მრგვალი ფორმისაა...
თქვენს პლუსებს ხედავთ, მაგრამ ადამიანების აზრს დიდ მნიშვნელობას ანიჭებთ. თუ სხვა არ გეტყვით, რომ ტანსაცმელი გიხდებათ, თუნდაც გამყიდველი, არ შეიძენთ მას. გიჭირთ ექსპერიმენტების ჩატარება, რადგან საზოგადოების უარყოფითი რეაქცია გაშინებთ. ეს იმაზე მიუთითებს, რომ თავდაჯერებულობა გაკლიათ.
თუ თქვენი სარკე ოთკუთხედია...
აქცენტს შინაგან სამყაროზე აკეთებთ, თქვენთვის მეორეხარისხოვანია ფიზიკური მხარე. ისეთი კომპლიმენტების მოსმენას, როგორიცაა: „რა ლამაზი ხარ!“ „ბრწყინვალედ გამოიყურები!“, გირჩევნიათ „რა გონებამახვილი ხარ!“ ან „რა საინტერესო ხარ!“. მიგაჩნიათ, რომ ინტელექტუალურად და სულიერად განვითარებული პიროვნება ხართ.
თუ თქვენი სარკე სამკუთხედია...
ზედმეტად ჩაციკლული ხართ სამოსზე, აქსესუარებზე, პარფიუმერიაზე... მოკლედ, ყველაფერზე, რაც გარეგნობას ეხება. მიგაჩნიათ, რომ თქვენი უძლიერესი მხარე ვიზუალია და სწორედ ის დაგეხმარებათ წარმატების მიღწევაში. მეტი ყურადღება დაუთმეთ სულიერ მხარეს, რადგან, ასაკის მატებასთან ერთად, თქვენი სხეული ვარდივით დაჭკნება.
თუ თქვენი სარკე ოვალურია...
თავდაჯერებული ხართ, მაგრამ არა - ამპარტავანი. არავისთან იქებთ თავს. რეალურად აღიქვამთ მოვლენებს და საკუთარ შესაძლებლობებს. თავიდანვე ხვდებით, რისი გაკეთება შეგიძლიათ ან არ შეგიძლიათ. არ გაშინებთ სირთულეები. იცვამთ გემოვნებიანად და არა - მოდურად, რადგან ხანდახან დიზაინერების მიერ შემოთავაზებული ტენდენციები სულაც არ ჯდება თქვენს გემოვნებაში.
