თუ თქვენ დესერტი აირჩიეთ...
გინდათ, რომ უკეთესობისკენ შეიცვალოთ ფიზიკურადაც და სულიერადაც. ცდილობთ, საყვარელი ქალის/კაცის პარამეტრებს მოერგოთ. სისულელეს ჩადიხართ, პარტნიორს ისეთი უნდა უყვარდეთ, როგორიც ხართ. ესეც რომ არა, იდეალურობა მოსაწყენი და ხელოვნურია. მალე დაიღლებით და ურთიერთობაც თავზე ჩამოგენგრევათ.
თუ თქვენ წვნიანი აირჩიეთ...
თავს იტყუებთ, რომ ყველაფერი კარგად არის, იცინით და ლაღი ადამიანივით ცხოვრობთ. გულის სიღრმეში უბედური ხართ, გინდათ იტიროთ და იყვიროთ. არ გსურთ, თქვენი ნეგატიური განცდები მეგობრებს თავს მოახვიოთ, ოჯახის წევრებს კი თქვენი არ ესმით. თუ ვინმეს მაინც არ მიენდობით, გრძნობები შიგნიდან დაგანგრევენ.
თუ თქვენ წყალი აირჩიეთ...
ძალიან ბევრს ფიქრობთ, რაც ქმედებაში ხელს გიშლით. ნიჭიერი ხართ, მაგრამ ამის შესახებ არავინ იცის. თუ გსურთ, საზოგადოებაში ადგილი დაიმკვიდროთ და შრომა დაგიფასდეთ, თვითწარმოჩენა უნდა შეძლოთ. იმუშავეთ საკუთარ თავზე და უფრო თავდაჯერებული გახდით.
თუ თქვენ ხორცი აირჩიეთ...
მოუთმენელი ხართ. გსურთ, რომ მიზნებს მარტივად და სწრაფად მიაღწიოთ. საქმის შუა გზაზე მიტოვება გჩვევიათ. პასუხისმგებლობის შეგრძნება გაკლიათ. მოგწონთ, როცა რამეს ზედმეტი შრომის გარეშე იღებთ. იცოდეთ, ასეთი დამოკიდებულებით შორს ვერ წახვალთ.