თუ თქვენ 1-ლი საათი აირჩიეთ...
ცხოვრების მიმართ ოპტიმისტურად ხართ განწყობილი და გარშემო დადებით აურას ქმნით. კარგი იქნება, თუ თქვენს ენერგიას სასარგებლო საქმიანობისთვის გამოიყენებთ. თქვენი თავაზიანი ღიმილის წყალობით, ბევრად უფრო ადვილად შეძლებთ ნებისმიერი სირთულის გეგმის შესრულებას, ვიდრე წარმოგიდგენიათ.
თუ თქვენ მე-2 საათი აირჩიეთ...
შეშინებული და დამფრთხალი ხართ ცხოვრებისგან. ძალიან გიჭირთ მნიშვნელოვანი გადაწყვეტილებების მიღება. უფრო მეტი სითამამე უნდა გამოიჩინოთ სამსახურშიც და საზოგადოებაშიც. თუ საკუთარ თავზე არ იმუშავებთ, ვერ შეძლებთ გარემოსთან სრულყოფილ ინტეგრირებას და ძალა არ გეყოფათ სირთულეების დასაძლევად.
თუ თქვენ მე-3 საათი აირჩიეთ...
დროის დაფასება გიყვართ. კარგად გაქვთ გააზრებული, რომ ის ღმერთის საჩუქარია და მაქსიმალურად ნაყოფიერად უნდა გამოიყენოთ. ამიტომ არ გიყვართ არაფრისმომცემ თავყრილობებზე სიარული, გადამეტებული გართობა და უშინაარსო მსჯელობები. ფუქსავატი ხალხიც გაღიზიანებთ. ვერაფერს გეტყვით, თქვენ თავადაც კარგად იცით, როდის, რა და რატომ გჭირდებათ.
თუ თქვენ მე-4 სურათი აირჩიეთ...
ყოველთვის წარსულით ცხოვრობთ. მიუხედავად იმისა, რომ საკმაოდ სწრაფი ტემპით მიდის თქვენი ცხოვრება, მიგაჩნიათ, რომ „ადრე“ კარგი დრო იყო. უკეთესი იქნება, თუ მოგონებებით ცხოვრებას თავს დაანებებთ და მომავალზე ფიქრს მეტ დროს დაუთმობთ. ასე უფრო პროდუქტიული გახდება თქვენი საქმიანობა.
თუ თქვენ მე-5 სურათი აირჩიეთ...
დაკავებული და საქმიანი ადამიანი ხართ. აღარ გრჩებათ დრო დასვენებისთვის, ოჯახისთვის და მეგობრებისთვის. მართალია, კარიერული წინსვლა ძალიან კარგია, მაგრამ ის თქვენი ცხოვრების მხოლოდ შემადგენელი ნაწილი უნდა იყოს. ამიტომ შეეცადეთ, ხანდახან საქმე გადადოთ და პირად ცხოვრებასაც მიხედოთ.
თუ თქვენ მე-6 საათი აირჩიეთ...
მარტივი და უდარდელი ცხოვრება გიყვართ. მოგწონთ, როდესაც ვინმე თქვენზე ზრუნავს. თქვენთან ურთიერთობა სასიამოვნოა. თავს არიდებთ რუტინულ სამუშაოს. მხიარული ხასიათი გაქვთ. გიჭირთ დროის სწორად გადანაწილება. გართობა, რა თქმა უნდა, კარგია, მაგრამ ეცადეთ, არ გადაამლაშოთ.
