შენიშვნა: ჩაინიშნეთ ან დაიმახსოვრეთ გაცემული პასუხების ასოები.
1. თქვენ არ იცით, სად იმყოფება თქვენი საყვარელი ადამიანი მოცემულ მომენტში:
ა) თქვენ ეს არ გაღელვებთ და თითქმის არასოდეს კითხულობთ, რა საქმეებით იყო იგი დაკავებული;
ბ) თქვენ ჩვეულებრივ ინტერესდებით იმით, სად იყო იგი, მაგრამ არა იმიტომ, რომ ღალატის გეშინიათ;
გ) ღალატის შესაძლებლობა რომ გამორიცხოთ, ყოველთვის დაწვრილებით ეკითხებით, სად და ვისთან ერთად იყო იგი.
2. როდესაც საშუალება გაქვთ, პარტნიორის მობილური შეამოწმოთ, თქვენ:
ა) აზრადაც არ მოგივათ, წაიკითხოთ მისი SMS-ები;
ბ) არ წაიკითხავთ SMS-ებს დელიკატურობის მოსაზრებით;
გ) დაუყოვნებლივ შეისწავლით მის მიმოწერას.
3. თქვენ შეიტყვეთ, რომ თქვენს პარტნიორს თქვენამდე სხვასთან ჰქონია ინტიმური ურთიერთობები:
ა) ეს არც გაინტერესებთ და არც გენაღვლებათ;
ბ) ეს არ მოგწონთ, მაგრამ ამას არ განიხილავთ (რაც იყო, წარსულში დარჩა);
გ) ეს საშინლად გაღიზიანებთ, გაიძულებთ, რომ იეჭვიანოთ.
4. თქვენ გაიგეთ, რომ მან გიღალატათ:
ა) ეს თქვენთვის მომაკვდინებელი არ არის, მოიცდით, როდის მოგიყვებათ ყველაფერს თავად;
ბ) თუ ბოდიშს მოიხდის, აპატიებთ, ეს ხომ აღარ განმეორდება მომავალში;
გ) არ დაივიწყებთ და არც აპატიებთ, შესაძლოა, არც მიატოვოთ, მაგრამ თვალყურის დევნებას დაიწყებთ.
5. თუ პარტნიორის ღალატის საშუალება მოგეცემოდათ, თქვენ:
ა) ისარგებლებდით ამით, თუ სურვილი გაგიჩნდებოდათ;
ბ) ყველაფერს გააკეთებდით, ერთგულება რომ შეგენარჩუნებინათ;
გ) არაფრის გარანტირება არ შეგიძლიათ, მაგრამ ქმარს ღალატს არ აპატიებდით.
6. თქვენი აზრით, ერთგულება:
ა) არ არის ყველაზე მთავარი, უფრო მნიშვნელოვანია, ერთმანეთის თავისუფლება არ შეზღუდოთ;
ბ) მნიშვნელოვანია, მას უნდა ინახავდეს ორივე პარტნიორი;
გ) აუცილებელია და არც ერთმა პარტნიორმა არ უნდა შექმნას საბაბი მასში ეჭვის შეტანისა.
ტესტის შედეგები:
თუ ჭარბობს პასუხები „ა“ – თქვენთვის არ აქვს დიდი მნიშვნელობა ერთგულების გაგებას – ის თქვენთვის არაფერს ნიშნავს. სწორად ეს გიშლით ხელს პარტნიორთან ღრმა და სტაბილური ურთიერთობების დამყარებაში.
თუ ჭარბობს პასუხები „ბ“ – თქვენთვის საკმაოდ დიდი მნიშვნელობა აქვს ერთგულებას, მაგრამ არ გადადიხართ პათოლოგიურ, ავადმყოფურ ეჭვიანობაში.
თუ ჭარბობს პასუხები „გ“ – ერთგულება თქვენთვის სიკვდილ-სიცოცხლის საკითხია. ფრთხილად: თავშეუკავებელ ეჭვიანობას შეუძლია, დაანგრიოს ნაზი გრძნობები. თქვენი ეჭვები ხომ უსაფუძვლო შეიძლება იყოს. ისწავლეთ საკუთარი თავის კონტროლი!
