№1
ეს თავისუფლების გზაა. შენთვის მნიშვნელოვანია დამოუკიდებლობა და თავისუფალი სივრცე. თვითონვე ხარ საკუთარი ცხოვრების შემოქმედი. სანამ კონკრეტულ დასკვნას გამოიტან, როგორც წესი, განიხილავ პრობლემის მოგვარების ყველა შესაძლო ვარიანტს. ჯიუტი ხასიათი გაქვს და ჯიუტად მიიწევ წინ, საკუთარი მიზნებისკენ. შეგიძლია საკუთარი დროის სწორად განაწილება და, პარალელურად, ცხოვრებით დატკბობაც.
№2
შენი გზა – ეს შენი პირადი სამყაროა, სადაც ზედმეტი ადამიანებისთვის ადგილი არ არის. თავს კომფორტულად გრძნობ საკუთარ თავთან. უპირატესობას ანიჭებ თანმხლები პირის გარეშე მოგზაურობას და სხვადასხვა ღონისძიებებზე დასწრებას. არ გჭირდება ძიძა და არც ვინმე გვერდით, ვისაც დაელაპარაკები. გიყვარს მეგობრები, მაგრამ დროდადრო შენთვის სასიცოცხლოდ აუცილებელია განმარტოება.
№3
შენი ცხოვრება სავსეა პოზიტივითა და ფერადოვნებით. ვერ წარმოგიდგენია საკუთარი ცხოვრება აზარტის, სილამაზისა და თავგადასავლების გარეშე. მოწყენილობას ვერ იტან. მუდმივად მოსწავლის სტატუსს ატარებ, ძალიან ცნობისმოყვარე ხარ და ნებისმიერ სიტუაციაში გაქვს უამრავი შეკითხვა, რომლის დასმასაც არასდროს ერიდები.
№4
უამრავი თავგადასავალი გელოდება. პრაქტიკულად ყოველთვის ფიქრობ მომავალზე და ცდილობ, რაღაც ახალი შეიტანო შენს ცხოვრებაში. შესაძლოა, ცოტა იმპულსურიც ხარ და იშვიათად ფიქრობ შენი ქმედებების შედეგებზე. ხშირად არღვევ წესებს, მაგრამ შენი ქარიზმატულობითა და მძაფრი შეგრძნებების სიყვარულით ყოველთვის იწვევ გარშემომყოფების აღფრთოვანებას.
№5
შენი კარი ყველა მსურველისთვის ღიაა. შენთვის მნიშვნელოვანია სიმშვიდე და ბუნებრივი სილამაზე. იმდენად მიზანი არ გაინტერესებს, რამდენადაც მისკენ მიმავალი გზა. მიჰყვები დინებას და ცდილობ, ნებისმიერ ფასად შეინარჩუნო სტაბილურობა. მარტივად შეგიძლია პრობლემების თავიდან აცილებაც.
№6
შენ სიმშვიდის გზა აირჩიე. მარტოობა, სიმშვიდე და წინდახედულობა შენი ცხოვრების ერთგული მეგობრები არიან. ცხოვრობ პრინციპით – ერთი ძველი მეგობარი სჯობს ორ ახალს. სამართლიანი ხარ და მუდმივად ეძებ ცხოვრების აზრს. მთელი ცხოვრების განმავლობაში სწავლობ, იღრმავებ ცოდნას, გარკვეულწილად, მოაზროვნე და ფილოსოფოსიც ხარ.