ხელები და თქვენი ხასიათი (ტესტი)

ტესტის ჩატარების პროცესში მოგიწევთ, დაიმახსოვროთ 4 ციფრი. ასე რომ, თუ საკუთარ მეხსიერებაში ეჭვი გეპარებათ, მოამზადეთ წინასწარ ფურცელი და კალამი, რათა ციფრები ჩაინიშნოთ.

1. გადააჯვარედინეთ თითები ერთმანეთზე
თუ მარცხენა ხელის ცერა თითი ზემოთ აღმოჩნდა, დაიმახსოვრეთ (ან ჩაიწერეთ) ციფრი 1, ხოლო თუ ზემოთ მარჯვენა ხელის ცერა თითი აღმოჩნდა – 2.

2. წარმოიდგინეთ, რომ რაღაცას (ან ვიღაცას) იარაღს უმიზნებთ და დახუჭეთ ცალი თვალი
თუ დახუჭეთ მარჯვენა თვალი, ჩაინიშნეთ ციფრი 1, ხოლო თუ მარცხენა – 2.

3. გადაიჯვარედინეთ ხელები მკერდზე
რომელი ხელი აღმოჩნდა ზემოდან? თუ მარჯვენა, ჩაინიშნეთ 2, ხოლო თუ მარცხენა – 1.

4. დაუკარით ტაში
თუ მარცხენა ხელია ზემოდან, მაშინ ბოლო ციფრი არის – 1, ხოლო თუ მარჯვენა – 2.

წაიკითხეთ შედეგები:

თუ თქვენი ციფრების კომბინაციაა:
2222 – თქვენ მყარი ხასიათი გაქვთ და კონსერვატორი ბრძანდებით. არ გიყვართ კონფლიქტები და კამათი.

2221 – არამყარი ბუნების, მერყევი ხასიათის ხართ.

2212 – კომუნიკაბელური ხართ და ყველა ტიპის ადამიანთან პოულობთ საერთო ენას.

2111 – ყველაფრის თავად კეთება გიყვართ და არასოდეს ითხოვთ ვინმესგან დახმარებას. თუმცა არამყარი ბუნება გაქვთ.

2122 – ანალიტიკური აზროვნებითა და ხასიათის სირბილით გამოირჩევით. ყველასა და ყველაფერს სიფრთხილით ეკიდებით და გარშემომყოფების მიმართ ცოტათი ცივი ხართ.

2121 – ეს ციფრების ყველაზე იშვიათი შეხამებაა. დაუცველი ხართ და ადამიანების გავლენის ქვეშ მარტივად ექცევით.

1112 – ემოციური, ენერგიული და პრინციპული ადამიანი ხართ.

1222 – ეს შეხამება საკმაოდ ხშირია. არ იჩენთ სიმტკიცეს ცხოვრებისეული საკითხების გადაწყვეტისას და სხვისი გავლენის ქვეშ ადვილად ექცევით. ამასთანავე, ემოციური და კომუნიკაბელური ხართ, გაქვთ საოცარი ქარიზმა.

1221 – ემოციური, ძალიან რბილი, დამთმობი, გულუბრყვილო – ეს თქვენი ხასიათის ძირითადი ნიშნებია.

1122 – მეგობრული ხართ, მაგრამ ამავე დროს, ცოტა გულუბრყვილო და უბრალო, საკუთარი თავის მიმართ ზედმეტად კრიტიკულიც. ცხოვრებისეული ინტერესები კი ბევრი გაქვთ, მაგრამ დრო არ გყოფნით მათ განსახორციელებლად.

1121 – ადამიანებს ზედმეტად ენდობით, დამთმობი ხასიათით და შემოქმედებითი ნიჭით გამოირჩევით.

1111 – გიჟდებით ცვლილებებზე და ეძებთ არასტანდარტულ მიდგომას სტანდარტულ საგნებთან. ემოციები, ინდივიდუალიზმი და ეგოიზმი – თქვენი ხასიათის თვისებებია. ჯიუტი ხართ, მაგრამ ეს ხელს არ გიშლით, მთელი დატვირთვით იცხოვროთ.

1212 – საოცარი შინაგანი ძალითა და ენერგით გამოირჩევით. ამიტომაც აღწევთ ყველანაირ მიზანს, რასაც კი ცხოვრების რთულ გზაზე დაისახავთ.

1211 – თვითანალიზის უნარი გაქვთ და ცოტა ჩაკეტილი ადამიანი ბრძანდებით. ამიტომაც რთულად ეგუებით ადამიანებს. თუმცა, ძლიერი სულიერი სამყარო გაქვთ და თუ მიზნად რაიმე დაისახეთ, ვერანაირი დაბრკოლება ვერ შეგაჩერებთ.

2112 – მსუბუქი ბუნებით გამოირჩევით, ადვილად პოულობთ მეგობრებს, აბამთ ნაცნობობას და ხშირად იცვლით გართობის სფეროს.

P.S. ნუ მიიღებთ შედეგებს ზედმეტად სერიოზულად. მაგრამ მაინც… იცანით საკუთარი თავი?