შვილის გადასარჩენად მარტოხელა დედის თავდაუზოგავი ბრძოლის ისტორიამ, ერთი წლის წინ, მთელი საქართველო შეძრა და გულგრილი არავინ დატოვა.
თვითნასწავლმა ნიჭიერმა საოპერო მომღერალმა თამარ ყველაშვილმა, ბავშვის მამისგან მიტოვების შემდეგ, მარტომ გადაწყვიტა შვილის გადასარჩენად ბრძოლა, თუმცა ყველაფერს მხოლოდ თავისი სახსრებით ვერ გაუმკლავდა და იძულებული გახდა დასახმარებლად საზოგადოებისთვის მიემართა.
მისი შვილის გამოჯანმღტელების პროცესის გასაგრძელებლად განსაკუთრებული საჭიროების სამედიცინო აპარატია საჭირო, რომლის ფასიც მხოლოდ 600 დოლარს შეადგენს (მეორადი მოხმარების აპარატის შეძენის შემთხვევაში).
როგორც „პირwელს“ თამარ ყველაშვილმა განუცხადა, მის შვილს თავის ტვინის ჰიდროცეფალია აქვს და ბავშვი ხშირი კრუნჩხვებით იტანჯებოდა, რამაც თავის ტვინის უჯრედების დაზიანება გამოიწვია.
„ბავშვი ვერ მეტყველებს, ვერ ჯდება სიარულზე ხომ ზედმეტია საუბარი. ვსარგებლობთ სახელმწიფო დაზღვევით, დანაჩრენი მკურნალობის და მედიკამენტების თანხას ბავშვის პენსიით და ჩემი სახსრებით ვუზრუნველყოფ. მაგრამ ახლა ჩემს შვილს სჭირდება სპეციალური სამედიცინო აპარატი, რომელიც მეორადი მოხმარების 600 დოლარამდე ღირს. ჩემთვის ეს საკმაოდ დიდი თანხაა და მე ჩემი ბიუჯეტით და შემოსავლით ფიზიკურად ვერ შევწვდები. სპეციალური სამედიცინო მოწყობილობა ბავშვს გადაადგილებაში დაეხმარება და მისი გამოჯანმრთელების პროცესს ხელს შეუწყობს. სამწუხაროდ მე მის ყიდვას ვერ ვახერხებ“, - აღნიშნა პირველთან საუბრისას მარტოხელა დედამ.
ნიჭიერი მომღერლის თამარ ყველაშვილის და მისი შვილის ჯანმრთელობის და მდგომარეობის გულშემატკივრებს და მსურველებს სამედიცინო მოწყობილობის შესაძენად თანხის გადარიცხვა შემდეგ საბანკო ანგარიშზე შეუძლიათ VTB ბანკი GE28VT7000081112063601