როგორც „პირველის“ ოფისში გამართულ ბრიფინგზე დემოკრატიულ ინიციატივათა საერთაშორისო ცენტრის წარმომადგენელმა მერი კაპანაძემ აღნიშნა, 2014 წლის არჩვენებთან შეადრებით, მიმდინარე თვითმმართველობის არჩევნებზე ამომრჩველთა დაბალი აქტივობა დაფიქსირდა
„მიმდინარე არჩევნებზე თბილისის საუბნო საარჩევნო კომისიებში კენჭისყრის დღის პროცედურების დაკვირვებისას გამოიკვეთა შემდეგი სახის ტენდენციები: რიგი პოლიტიკური პარტიების, მედია საშუალებებისა და დამკვირვებელი ორგანიზაციების მხრიდან დეზინფორმაციის გავრცელება ამომრჩეველთა მონაცემების გადამოწმებასთან დაკავშირებით. განვმარტავთ, კიდევ ერთხელ, რომ საქართველოს საარჩევნო კოდექსის საფუძველზე დამკვირვებელს შეუძლია ამომრჩეველთა მონაცემების გადამოწმების მიზნით მოიძიოს საჯარო ინფორმაცია და აწარმოოს დაკვირვება, შესაბამისად, ზემოთ აღნიშნული გარემოება ხელს უშლის საარჩევმო გარემოს სამართლიან და დამოუკიდებლად წარმართვას. საარჩევნო პროცესი მთლიანად, მიმდინარეობს მშვიდ გარემოსა და კანონმდებლობით დადგენილი წესით“, - განცხადა ICDI-ის წარმომადგენლემა.
დემოკრატიულ ინიციატივათა საერთაშორისო ცენტრი მოუწოდებს ამომრჩევლებს მონაწილეობა მიიღონ კენჭისყრის დღის პროცედურებში და დააფიქსირონ საკუთარი არჩევანი.
ICDI მოსახლეობას ახსენებს, რომ კენჭისყრაში მონაწილეობისათვის ამომრჩველებმა თან უნდა იქონიონ საქართველოს მოქალაქეობის დამადასტურებელი პირადობის მოწმობა ანდა საქართველოს მოქალაქის პასპორტი.